O Estado oculto - Repositorio Institucional da USC - Universidade ...

supportive” 249 . Tamén Maravall e Santamaría Ossorio (1994, 140) reproducen
radicalmente o modelo canónico relativo á irrelevancia dos factores externos no
proceso español de transición: “ningún factor externo pareció ejercer una
influencia negativa. La iniciación de la transición estuvo enteramente
desvinculada de todo estímulo exterior”. Porén, unha vez fixada esta posición
de principio, os autores recoñecen que o “clima internacional presentaba una
disposición totalmente favorable hacia el nuevo régimen”. A maiores, “la
democracia española no suponía ningún cambio en el equilibrio de poder entre
los dos bloques”. Máis recentemente, Lemus López (2001, 91-92) conclúe o
seu estudo sobre o marco exterior da transición española afirmando que “en un
tema como la implantación de la democracia, en el que ideas como el respeto a
la soberanía nacional y la no intervención en asuntos internos de los Estados
comportan algo esencial en el núcleo ideológico, resultaría paradójico recurrir a
la intervención exterior como el factor determinante de la democratización”. 250
Só Huntington, como veremos no capítulo 6, mantén neste punto unha posición
dubitativa verbo do modelo canónico.
As forzas armadas
Como vimos supra, neste mesmo capítulo, a posibilidade de que as forzas
armadas dean un golpe de Estado instigadas polos ultraconservadores
involucionistas é un argumento típico dos reformistas liberalizadores fronte aos
sectores que esixen unha democratización máis decidida. Ademais, os militares
deben ser convencidos de que o cambio de réxime non cuestiona nin a
lexitimidade da ditadura, nin a autonomía do exército, nin tampouco os
privilexios de certas institucións. A burocracia militar debe ser conducida a
respectar a autoridade do goberno democrático, de tal maneira que ningún
grupo poida contar xa coa eventualidade dun golpe militar. En definitiva, e
como sinalan Linz, Stepan en Gunther (1995, 86),
because the military is a permanent part of the state apparatus, with privileged access
to coercive resources, it will be an integral part of the machinery that a new democratic
government will have to manage. The more extensive the governmental role of the
165