O Estado oculto - Repositorio Institucional da USC - Universidade ...

definindo a súa posición verbo dalgúns asuntos que no futuro ían ter unha gran
importancia: o aborto, o divorcio e o dereito á educación. 1015
(c) A partir de 1977, na terceira e derradeira etapa, tiveron lugar os
debates sobre a nova Constitución, durante os cales a igrexa católica procurou
atopar unha posición no novo réxime político. A comisión permanente da
Conferencia Episcopal emitiu unha nota, no mes de setembro de 1978, na que
defendeu o voto positivo no referendo constitucional do 6 de decembro de
1978. Pero xusto antes do referendo, nove bispos –entre eles o de Ourense–
opuxéronse publicamente ao proxecto constitucional, nun xesto significativo
pero sen transcendencia política. 1016
Neste último punto temos que discrepar, con Gómez Movellán (1999, 53-
54), de Martín Patino: “La Conferencia Episcopal no llegó en ningún momento a
aconsejar el voto afirmativo durante el referéndum constitucional sino que dio
libertad de voto a los católicos y algunos obispos retardatarios llamaron
explícitamente a votar «no» a la Constitución por considerarla [sic] que podría
atentar contra los valores católicos fundamentales. La decisión por el cambio
político fue firme, aunque nunca fue un bloque de piedra.” Díaz-Salazar Martín
(1981, 324-325) coincide con Gómez Movellán cando sinala que a Conferencia
Episcopal non recomendou nin o voto afirmativo nin o negativo, aínda que
expresou as súas reservas verbo dos artigos referidos ao ensino e ao
matrimonio. Calleja Sáenz de Navarrete (1988, 84-86), pola súa banda, precisa
que os bispos, que presupuñan a vitoria do si no referendo, se permitiron
vacilar ante a dificultade de teren que recomendar o sentido do voto para un
texto constitucional no seu conxunto, cando para eles había aspectos
insatisfactorios na regulación do ensino e do matrimonio. Finalmente, para non
amosar publicamente a existencia dunha minoría contraria ao voto afirmativo, a
Conferencia Episcopal optou por un pronunciamento indeterminado.
O lustro prodixioso
Nunhas reflexións sobre o poder das organizacións, Pizzorno (1981, 329)
prepáranos para entendermos mellor a estratexia da corporación católica de
577