O Estado oculto - Repositorio Institucional da USC - Universidade ...

quería regatearlle concesións á igrexa, e Santiago Carrillo non quería volver
cometer os erros que conduciran á derrota da II República.
O relatorio sabía moi ben como elaborar un texto constitucional de
anatomía democrática, pero de fisioloxía eminentemente conservadora, nos
límites obrigados dun cambio político de terzo. De feito, o proceso de
elaboración do proxecto de Constitución por parte do relatorio foi deplorábel:
levouse a cabo dun xeito confidencial e sen levantar acta dos seus traballos e
das súas conclusións, moi lonxe dos métodos abertos, democráticos e públicos.
O resultado do proceso é unha democracia secuestrada, caracterizada por unha
monarquía católica restaurada, un bipartidismo oligárquico con alternancia no
poder e unha igrexa católica dotada duns poderes moi parecidos aos que tivo
con Franco. En definitiva, a transición é un modelo de xogo sucio e de intrigas de
palacio, por moito que a versión modélica da propaganda oficialista sexa
comunmente aceptada.
A construción do baluarte católico
Os actores internacionais tiveron unha enorme relevancia durante a transición.
As grandes potencias chamadas democráticas e mais o Partido Socialdemócrata
Alemán e o Partido Republicano estadounidense exerceron presións e
financiaron a oposición democrática. Isto explica o auxe de Felipe González e
Alfonso Guerra, dous personaxes chave que acabaron liderando o partido eixe
da oposición democrática, o PSOE, e dirixindo unha democracia moderada e
controlábel polo conglomerado capitalista: os sectores financeiro e terratenente,
a igrexa católica e o exército. De feito, a igrexa católica foi un dos tres grandes
protagonistas da transición, xunto co rei e mais as oligarquías dos partidos
políticos. As esixencias derivadas do imparábel proceso histórico de
secularización levaron a igrexa católica a renunciar á tese do Estado católico,
que, porén, seguiu a manter in pectore, aínda que nin a realidade nin os seus
propios intereses lle permitisen defendela expresamente. A igrexa demandou un
estatuto especial coa garantía da soberanía da Santa Sé en todos aqueles casos
nos que o Estado o pactase mediante acordos de rango internacional. Os
463