O Estado oculto - Repositorio Institucional da USC - Universidade ...

con el exterior” non era desexábel para traballar con tranquilidade, evitar
presións e interferencias e desactivar politicamente algúns asuntos delicados,
como por exemplo o da forma de Estado, así que os relatores aceptaron e
respectaron escrupulosamente o pacto de cabaleiros.
Outro exemplo de recepción do segredo como elemento do canon
metodolóxico relativo aos procesos de democratización proporciónanolo Aguilar
Fernández (1996a, 221), quen sostén que durante a transición política as
diferenzas puideron resolverse en petit comité, entre un número moi reducido
de interlocutores apoderados polos seus partidos políticos, o que contrasta co
sucedido na II República, coa súa dificultade para levar a cabo un diálogo
tranquilo e moderado sobre os temas máis sensíbeis por mor dunha especial
radicalización provocada pola publicidade dos debates e pola intervención
activa da prensa militante.
relatorio,
Bastida (1998, 25) sinala como, malia o carácter secreto dos traballos do
el conocimiento de determinados contenidos indeseados –fundamentalmente en lo
tocante a materias religiosas, autonómicas y de enseñanza– de lo que pudiera llegar a
ser definitiva Constitución, suscitó una gran cantidad de respuestas críticas por parte
de los estamentos más tradicionalistas de la sociedad, amén de reacciones de variada
índole en numerosos grupos de presión y personajes de la vida política de toda laya. 815
Durante o período constituínte, e en contra do argumento de Peces-
Barba Martínez que acabamos de ver supra, o segredo e o consenso crearon
as condicións idóneas para que se puidesen producir presións discretas sobre
os relatores coa finalidade de condicionar o resultado do debate constitucional.
A igrexa católica estivo moi lonxe de desaproveitar a ocasión de defender a súa
posición, sobre todo en materia de aconfesionalidade do Estado, ensino,
matrimonio e aborto. Algúns asesores católicos –entre eles Olegario González
de Cardedal e José María Martín Patino– reuníronse cos relatores da UCD, e,
tanto durante os traballos do relatorio como mentres se reuniu a Comisión
Constitucional, os propios responsábeis políticos centristas democratacristiáns
actuaron, nas negociacións reservadas co PSOE, como combativos garantes
dos intereses eclesiásticos. 816 En perfecta coherencia co modelo corporatista
499