O Estado oculto - Repositorio Institucional da USC - Universidade ...

doutrina católica e (b) satisfacer a esixencia dos pais católicos de que seus
fillos reciban unha formación relixiosa ortodoxa 1208 . O artigo coincide co
previsto no canon 805 do Código de dereito canónico:
maneira:
O Ordinario do lugar, dentro da súa diocese, ten o dereito de nomear ou de aprobar os
profesores de relixión, así como de remover ou de esixir que sexan removidos cando
así o requira unha razón de relixión ou de moral. 1209
Na LOE, o profesorado da materia de relixión regúlase da seguinte
Disposición adicional terceira. Profesorado de relixión.
1. Os profesores que impartan o ensino das relixións deberán cumprir os
requisitos de titulación estabelecidos para as distintas ensinanzas reguladas nesta lei,
así como os estabelecidos nos acordos subscritos entre o Estado Español e as
diferentes confesións relixiosas.
2. Os profesores que, non pertencendo aos corpos de funcionarios docentes,
impartan o ensino das relixións nos centros públicos farano en réxime de contratación
laboral, de conformidade co Estatuto dos traballadores, coas respectivas
Administracións competentes. A regulación do seu réxime laboral farase coa
participación dos representantes do profesorado. Accederase ao destino mediante
criterios obxectivos de igualdade, mérito e capacidade. Estes profesores percibirán as
retribucións que lles correspondan no respectivo nivel educativo aos profesores
interinos.
En todo caso, a proposta para a docencia corresponderalles ás entidades
relixiosas e renovarase automaticamente cada ano. A determinación do contrato, a
tempo completo ou a tempo parcial segundo o que requiran as necesidades dos
centros, corresponderalles ás Administracións competentes. A remoción, no seu caso,
axustarase a dereito. 1210
En realidade, estamos novamente ante unha implementación xurídica da
corporatización da función pública relixiosa no campo do ensino, por moito que
nos poida parecer criticábel, como llo parece a Contreras Mazarío (1992, 186-
187), que (a) a integración do profesorado da materia de relixión católica se
realice mediante a intervención da autoridade eclesiástica, o que supón unha
distorsión do sistema xeral de acceso á función pública docente; e que (b) “el
652