O Estado oculto - Repositorio Institucional da USC - Universidade ...

diferenciación interna inherente a toda sociedad moderna, es decir, burocratizada,
secularizada y altamente especializada en sus redes ocupacionales. De ahí la atracción
sentida por los sociólogos pertenecientes a esta tradición hacia los fenómenos de
adaptación social, deferencia, reclutamiento, movilidad social individual, ética
profesional y, sobre todo, por las nociones de rol y status, las cuales se refieren
directamente a la inserción e integración del individuo en el seno de una estructura
social dada.
Lembrando o que a este respecto puidemos ver nos capítulos 6 e 7,
debemos subliñar aquí que o mito do consenso é un elemento chave do
modelo canónico funcional-pluralista sobre a transición política española, e
apoiándonos na análise de Kesselman (1973, 153) da investigación sobre o
desenvolvemento político –que lle dá prioridade á orde–, podemos aventurar
que a reificación normativa da procura da orde conduce precisamente, no caso
español, á sacralización do consenso como instrumento da orde. Neste sentido
debemos recordar que, como sinalamos no capítulo 3, o repertorio canónico é
un produto, precisamente, da investigación sobre o desenvolvemento, coa que
o campo politolóxico, presionado polo campo político estadounidense, procura
manter a estabilidade xeopolítica.
A política como conflito
Giner sintetiza así a súa postura inicial verbo da relación entre conflito e
consenso: “La vida social es eminentemente conflictiva. La inmensa cantidad
de energía que debe movilizarse perennemente para generar integración,
armonía, consenso y orden no hace sino corroborar este postulado general”. 410
Na procura dunha corrente alternativa ao funcionalismo, o noso autor opta polo
conflitivismo, de difícil delimitación teórica pero cuxa tradición, representada por
autores tales como Heráclito, Polibio, Maquiavelo, Hobbes ou Marx (e que
tamén ten a súa manifestación conservadora), se alza fronte ao
consensualismo do repertorio canónico. 411 Na liña desta tradición, entendemos
que hai toda unha serie de manifestacións básicas –a coacción, o dominio duns
grupos sobre outros, a distribución desigual do poder, a manipulación– que
explican a estruturación e o cambio nas sociedades. 412 E é que “las estructuras
266