O Estado oculto - Repositorio Institucional da USC - Universidade ...

democrático homologábel cos do contorno europeo. Os continuístas e os
reaccionarios son relegados á periferia do campo político mentres os
revolucionarios son privados de calquera posibilidade de acumular recursos
políticos.
• A impunidade dos sectores vinculados á ditadura cohonéstase co control
exercido polos reformistas e polos aperturistas sobre a xestión da memoria
histórica. O relato dominante iguala as responsabilidades dos contendentes
na Guerra Civil e esixe o esquecemento e o silencio colectivos –e, polo
tanto, a renuncia á xustiza– como antídoto contra o desquite.
• A igrexa católica implementa unha xestión selectiva da memoria histórica
interesada en salientar o exacerbado anticlericalismo da II República
Española e baseada sobre a beatificación dos mártires (os inocentes –
despolitizados e espiritualizados– perseguidos por razóns relixiosas), a
invisibilización da belixerancia católica antirrepublicana e mais o silencio
verbo do seu compromiso político cos rebeldes durante a Guerra Civil e coa
ditadura franquista.
• O proceso español de democratización desde arriba supón a continuidade
da dominación das antigas elites franquistas por medios non despóticos, e
desemboca nun réxime político pluralista con importantes problemas de
calidade democrática –sobre todo nos ámbitos da participación e da
responsabilidade ante a cidadanía–, cun escaso desenvolvemento do
Estado do benestar e cun forte compoñente corporatista, no que os axentes
tradicionalmente dominantes, como a institución monárquica, os grupos
financeiros ou a igrexa católica, preservan as súas posicións.
541