O Estado oculto - Repositorio Institucional da USC - Universidade ...

(2006, 20-21 e 32-35), que tamén sostén que o proxecto nacionalcatólico é antimoderno. O seu
argumento non nos parece convincente: “Es inviable el intento de detener la secularización que
genera la industrialización de un país y sus efectos modernizadores [...]. Un tradicionalismo
integrista y un fundamentalismo religioso solo pueden mantenerse dentro de una sociedad
preindustrial y premoderna”. Desde o noso punto de vista, o feito de que finalmente o proxecto
nacionalcatólico resultase inviábel non significa que fose antimoderno. Pero tamén cremos que,
se o nacionalcatolicismo non é unha ideoloxía que poida cualificarse propiamente de
antimoderna, o certo é que non explicitou as súas arelas modernizadoras até a fase
tecnocrática opusdeísta do réxime franquista. Ao noso entender, Álvarez Bolado (1976, 195,
199-203 e 207, e 1999, 315-325), que sostén que o nacionalcatolicismo é militante e
radicalmente antimoderno, incorre nunha incoherencia cando afirma que o proxecto teolóxicopolítico
nacionalcatólico consistiu precisamente en modernizar o país sen alterar o carácter
hexemónico da tradición católica e nacional, até o punto de que o factor católico puido ser o
núcleo dunha modernización instrumental e mesmo societaria non contaminada polas
ideoloxías da modernidade. Outros autores que sosteñen a natureza antimoderna do
nacionalcatolicismo son Laboa Gallego (2006a, 69) e Urbina (1977, 109-112 e 117-118).
Tamén Ben-Dror (2003, 40), que non se refire especificamente á ideoloxía nacionalcatólica,
afirma: “En España, el rechazo por la modernidad era parte de la concepción católica del
mundo”. Curiosamente, a autora introduce un importante matiz, que, de feito, a achega á nosa
postura: “no se trataba de cambiar al capitalismo, sino de atenerse a una concepción más
acorde con las enseñanzas de la Iglesia”.
642
V. Hermet, 1980, 94-97. Fundada en decembro de 1931, a revista reuniu un equipo de
autores reaccionarios próximos ao fascismo que se ocuparon de adaptar ás circunstancias o
pensamento autoritario católico baseado sobre o antiliberalismo, o antidemocratismo e o
antisocialismo.
643
Esta sería, segundo Urbina (1977, 116), a funcionalidade política do nacionalcatolicismo:
“una clara función legitimadora y aglutinadora de fuerzas sociales comprometidas en la guerra
civil”. Nun sentido moi parecido, v. Tello Lázaro, 1984, 97-146: a heteroxeneidade do bloque
dominante fixo necesaria unha ideoloxía unitaria cuxos compoñentes se encargou de elaborar
a igrexa católica sobre a identificación entre o ser católico e o ser español, a pervivencia da
idea de cruzada, o enxalzamento da figura de Franco como gobernante cristián perfecto –a
fórmula acuñada nas moedas era “FRANCISCO FRANCO CAUDILLO DE ESPAÑA POR LA
GRACIA DE DIOS”–, o pesimismo antropolóxico (que se plasma nás máximas que deben rexer
o comportamento cívico do súbdito dócil: a obediencia á autoridade e o respecto á orde
estabelecida) e a invocación do comunismo, da masonaría, do liberalismo e do anarquismo
como inimigos de España derrotados pero sempre ao axexo.
644
A este respecto, Cuenca Toribio (2008, 126-127, nota 1) apunta: “Según el bien conocido
narcisismo intelectual de quien fuera excelente sacerdote y sobresaliente biblista, el canónigo
sevillano José Mª González Ruiz, él sería, en la tan disputada y controvertida paternidad
nominativa del nacionalcatolicismo –¡nada menos que a ministros del propio Franco se le
atribuye por estudiosos muy pandereteados la denominación!...– el feliz creador de la fórmula”.
Andrés-Gallego, Pazos e Llera (1996, 82) asumen que foi efectivamente González Ruiz quen
inventou o termo “en una entrevista concedida a Temoignage [sic] chrétien poco después del
Concilio Vaticano II”. Urbina (1977, 85), pola súa banda, matiza que o termo xa era usado entre
os “ideólogos de la Restauración” (Pemartín, Gomá y Tomás), que identificaban a “identidad
entre lo nacional español y lo católico”, aínda que “empezó a popularizarse por los años
sesenta, por o[b]ra, sobre todo, de José María González Ruiz”. En cambio, Blázquez (1991,
121) atribúelle a paternidade do termo a López Aranguren. En realidade, e como conclúe
Montero García (2007a, 139), “González Ruiz y Aranguren se disputaron [...] la paternidad del
concepto nacional-catolicismo”. Sobre González Ruiz, v. Hermet, 1980, 150-151.
645
Sobre esta cuestión, v. tamén Díaz-Salazar Martín, 2006, 22-26.
646
V. Díaz-Salazar Martín, 2006, 16-17.
647
De feito, e segundo Díaz-Salazar Martín (2006, 20, 27, 56-66 e 70-72), tanto a ACNP como
o Opus Dei mantiveron e reproduciron a ideoloxía nacionalcatólica.
648
Esta descrición tomámola prestada de Hermet, 1980, 96.
649
Un dos “maîtres de la pensée catholique réactionnaire” (Hermet, 1980, 89).
650
Para Hermet (1980, 91), Balmes é “tout le contraire d’un libéral”, e acaba chegando “à des
conclusions presque semblables [ás de Donoso Cortés] sur la forme autoritaire du régime que
convient à l’Espagne”.
818