O Estado oculto - Repositorio Institucional da USC - Universidade ...

corporatismo, obviamente, non é máis que “one of several possible modern
configurations of interest representation, of which pluralism is perhaps the best-
known and most frequently acknowledged alternative”. O autor subliña,
ademais, que o corporatismo “is ‘compatible’ with several different regime-
types, i.e., with different party systems, varieties of ruling ideology, levels of
political mobilization, varying scopes of public policy, etc.”. 450 Finalmente, ofrece
unha lista cos elementos constitutivos do seu modelo corporatista: (a) Os
monopolios representativos dos intereses son importantes para explicar os
comportamentos políticos e os seus outputs. (b) As xerarquías subordinan e
coordinan as actividades de sectores económicos e/ou clases sociais. (c) A
adhesión e a vinculación dos individuos ás corporacións non é sempre
voluntaria. (d) As corporacións non se limitan a recibir os intereses xa formados
dos seus membros, senón que poden ter unha participación activa na
identificación e na formación de tales intereses. (e) As corporacións tampouco
se limitan a transmitirlles as preferencias dos seus membros ás autoridades
estatais, senón que poden dirixir o comportamento dos seus membros activa e
coercitivamente, en especial a través da delegación de responsabilidade na
aplicación de determinadas políticas públicas. (f) O Estado, pola súa banda, é
un elemento constitutivo, empeñado en definir, modificar, fomentar,
regulamentar, autorizar e/ou reprimir as actividades das corporacións. (g) As
corporacións non deben ser entendidas sempre como entidades autónomas
que exercen desde fóra presións sobre o Estado. Pola contra, a acción das
corporacións pode ser (polo menos parcialmente) dirixida desde instancias
públicas, e as corporacións poden chegar a compartir co Estado –a través dun
acceso institucional selectivo– a responsabilidade na formulación e na
implementación das políticas públicas. 451
Este último é un elemento esencial do modelo corporatista que estamos
a analizar. Goldthorpe (1984, 324) subliña que as organizacións que
representan intereses privados son incorporadas aos procesos de formación de
politicas públicas en áreas que son especialmente sensíbeis para elas. En
contrapartida, estas organizacións deben asumir unha responsabilidade na
implementación efectiva das políticas públicas ás que están vinculadas.
283