O Estado oculto - Repositorio Institucional da USC - Universidade ...

que levaba á “posibilidad de establecer acuerdos sobre materias de interés
común que exigen una línea estable de actuación” 1085 ) e a liberdade para o
proselitismo.
Este texto presenta, entre outras, as seguintes características: (a) é
conservador e tradicional no tocante aos dereitos humanos (en contra das
constatacións das investigacións empíricas, que reflicten unha sociedade plural
que experimentara importantes cambios nas condutas e nos valores); (b) acode
ao argumento sociolóxico da predominancia católica no campo social para
marcarlles aos lexisladores uns obxectivos desde unha perspectiva
conservadora e de cooperación entre o Estado e a igrexa católica; 1086 (c) a
liberdade para o proselitismo (a evanxelización) enténdese como
cualitativamente diferente á simple liberdade de culto ou de conciencia; e (c)
trátase de reforzar o poder da igrexa católica cun discurso populista de
advertencia aos posíbeis adversarios (as forzas políticas laicas), aínda que,
formalmente, a concepción cristiá non se lle queira impor a ninguén.
As propostas da igrexa católica foron defendidas no marco parlamentario
–e nomeadamente no relatorio constitucional, no que a corporación católica
gozou dunha moi nutrida representación–pola UCD e por AP, que se
identificaban abertamente coa postura da igrexa e esixiron para ela un
tratamento privilexiado na lei fundamental. 1087 O borrador inicial do artigo 16.3
da norma fundamental, que estabelecía a neutralidade confesional do Estado,
non mencionaba expresamente ningunha fe relixiosa. En contra do criterio de
amplos sectores da esquerda, 1088 os representantes dos intereses católicos
entendían que a redacción supuña un desprezo da importancia real da súa
igrexa, que debía ser tida en conta no texto constitucional. O compromiso
finalmente acadado –no que a igrexa católica é citada especificamente– é o
resultado dunha prolongada negociación. 1089 En palabras de Gimbernat Ordeig
(1982, 54),
la actitud de la Iglesia ante la Constitución había sido motivo de polémica y de
desacuerdo en el propio interior. El motivo era que la Iglesia no quedaba
constitucionalizada mediante una mención específica en el proyecto de la Ley de Leyes
para los españoles. La queja y presión tuvieron al fin el éxito de la inclusión explícita.
612