O Estado oculto - Repositorio Institucional da USC - Universidade ...

García Escudero 342 : o consensualismo como elemento canónico central
Como constatamos no capítulo 6 e neste mesmo capítulo, o consenso é un
elemento chave do modelo canónico sobre a transición política española: 343
aparece como o resultado da reflexión sobre os erros cometidos por ambas
partes durante a Guerra Civil Española (Linz), opera como elemento moderador
e desradicalizador durante o proceso de transición (Huntington) e fortalece o
réxime xurdido do proceso a través da lexitimación dos partidos e dos
dirixentes políticos (Maravall e Santamaría Ossorio). Voltaremos ao mito do
consenso máis adiante, aínda que xa desde unha perspectiva crítica. Así, no
capítulo 9 poderemos ver as razóns polas que o funcionalismo sente unha
especial predilección polo consenso como instrumento da orde.
Pero antes imos reparar nun interesante ensaio de García Escudero
(1987) que representa un modelo especialmente ben acabado –realmente
paroxístico, de feito– sobre este elemento do repertorio canónico. O autor
desenvolve a idea de que o consensualismo da transición forma parte dun
continuum da historia de España. O núcleo desta tese está formulado nesta
fermosa pasaxe:
No hemos sido un pueblo distinto de los demás, sino, sencillamente, una nación que se
adelantó a otras en su sentido de la tolerancia, pero cuyo desarrollo por ese camino fue
estorbado y que por esto llegó al pluralismo contemporáneo tarde y mal preparada.
No siempre fuimos intolerantes, [...] ni todos los españoles lo han sido, ni aun
en los momentos más bajos de nuestra historia.
El que se adentre en ella con el oído atento podrá escuchar, entre el fragor de
las armas, el sereno rumor del agua que corre, y, asomándose al tajo que nos ha
dividido, divisará en el fondo el hilo brillante del río que fluye: la humilde corriente de los
conciliadores. (García Escudero, 1987, 18.)
A Guerra Civil Española foi unha guerra da que foron vítimas tanto os
vencedores como os vencidos e da que xurdiu un réxime autoritario carente de
ideoloxía, como precisa o autor asumindo explicitamente a tese canónica de
Linz: “era imposible que un hombre así [Franco: calculador, astuto, frío,
prudente, ambiguo e amante da disciplina e da orde], que nada tenía de jefe
fascista, produjese un régimen de esa naturaleza, y efectivamente no lo
223