O Estado oculto - Repositorio Institucional da USC - Universidade ...

Polo tanto, e por primeira vez na Historia, o planeta ten un único sistema
histórico. 67
Wallerstein pretende así superar o Methodenstreit decimonónico entre
os dous modos de análise considerados antitéticos: o idiográfico (a historia
como o estudo de feitos singulares tal e como sucederon no pasado) e o
nomotético (as ciencias sociais como exposición das regras universais que
explican o comportamento humano e social), que, de feito, non existen: a
verdade científica é histórica. 68
Como enfrontarse á normalidade do cambio: sobre a orixe e a historia da
ciencia política
O comezo da historia da ciencia política 69 podería estar situado nos Estados
Unidos de América no ano 1880, cando John W. Burgess fundou o
Departamento de Ciencia Política da Universidade de Columbia, en Nova
York. 70 Axiña apareceron outros centros na Universidade de Princeton, con
Woodrow Wilson, e en Harvard. En 1903, cando se creou nos Estados Unidos
a American Political Science Association, procurouse avanzar no estudo
metodolóxico da ciencia política e normalizar a disciplina sobre a base de
criterios académicos indenpendentes, dun instrumental teórico sólido e de
investigacións bibliográficas e mais unha metodoloxía propias. En 1906
apareceu o primeiro número da American Political Science Review. 71
Pero a institucionalización da disciplina foi moi lenta: en 1914 eran só 38
–dun total de 300– os colleges que tiñan un departamento de ciencia política.
Con todo, foi nos Estados Unidos onde se estabeleceron os fundamentos e se
determinou a sorte da ciencia política, unha disciplina que non existía na
Europa da primeira metade do século XX. E aínda que no noso continente xa
pasou a fase da simple recepción da disciplina estadounidense –e hoxe temos
núcleos de investigación relativamente autónomos–, os politólogos europeos
non poden perder de vista a evolución da ciencia política norteamericana.
Moitos deles, de feito –como o holandés Lijphart, o suízo Steiner, o italiano
61