O Estado oculto - Repositorio Institucional da USC - Universidade ...

estritamente escolares, senón pola súa función de control e de confirmación da
acción pedagóxica da familia. 1182
En principio, se o Estado ofrecese realmente unha educación pública,
universal, laica e gratuíta –que, como tal, non impedise a súa complementación
relixiosa no ámbito doméstico (e, por extensión, mediante a formación
impartida polas distintas confesións)– 1183 , parecería lóxico que a familia que
elixise unha educación confesional para seus fillos a custease por enteiro. Pero
o certo é que en España non se optou por un modelo de ensino obrigatorio
estritamente público e laico. De feito, o artigo 27.6 da Constitución recoñécelles
“ás persoas físicas e xurídicas a liberdade de creación de centros docentes”, e
no artigo IX do acordo do 3 de xaneiro de 1979 sobre ensino e asuntos
culturais parte da existencia de centros “estabelecidos ou que se estabelezan
pola Igrexa”.
Seguidamente imos intentar un exercicio de aproximación grosso modo
ás magnitudes globais da educación non universitaria en España, no que aquí
nos interesa, pero debemos advertir que non pretendemos fornecer cifras
exactas, dado que un estudo deste tipo excedería en moito as nosas
pretensións para este traballo e chocaría, a maiores, coa dificultade de
harmonizar os datos moi a miúdo contraditorios que proporcionan as distintas
fontes. Aínda que non é fácil atopar referencias claras e actualizadas, si é
posíbel chegar a conclusións aproximadas e significativas. Malia as
discrepancias existentes entre os distintos organismos que elaboran
estatísticas sobre o ensino, 1184 todos chegan á conclusión de que
aproximadamente un terzo do alumnado se matricula no ensino non
universitario privado ou privado concertado, o que duplica a media da Unión
Europea. De acordo cos datos máis recentes do Goberno de España 1185 sobre
o ensino de réxime xeral non universitario 1186 podemos elaborar a seguinte
táboa:
645