O Estado oculto - Repositorio Institucional da USC - Universidade ...

desde o referendo sobre a Lei para a reforma política– celebráronse eleccións
ás Cortes, 808 cuxos resultados amosaron unha maioría moderada de
centroesquerda (UCD-PSOE) con vontade de cambio (reforma-ruptura). 809
En dous documentos emitidos en febreiro e en abril, a Conferencia
Episcopal dirixírase aos católicos para advertilos de que a súa fe católica
posibilitaba o voto a distintos partidos, aínda que existían opcións
incompatíbeis coa fe (Calleja Sáenz de Navarrete, 1988, 42-43, e Díaz-Salazar
Martín, 2006, 198-199).
Un debate non resolto: o proceso constituínte
A maior parte dos autores fixan no momento no que se celebraron as eleccións
ás Cortes de 1977 o inicio do período constituínte. Máis correcto, segundo
Bastida (1998, 21, nota 12) e Soto Carmona (2007, 250), sería datar o comezo
deste proceso o 15 de decembro de 1976, o día no que se aprobou en
referendo a Lei para a reforma política que posibilitou a celebración das
eleccións. Nós estamos de acordo con esta idea de Bastida e Soto Carmona, o
que nos leva a subsumir o período constituínte no subproceso de
democratización. En todo caso, o carácter constituínte das Cortes elixidas en
xuño de 1977 é obxecto dun debate non resolto. Vexamos algún exemplo desta
discusión académica.
Payne (1984, 269) despacha o asunto dun xeito expeditivo: “En junio de
1977 se celebraron las primeras elecciones parlamentarias para una asamblea
encargada de redactar una constitución democrática”. Tamén Sánchez Navarro
(1998, 58) entende que as Cortes se concibiron desde o principio como
constituíntes (aínda que tamén con funcións lexislativas). Un dos relatores
constitucionais, Peces-Barba Martínez (1988, 16-17), pola contra, amósase
bastante máis inseguro:
Ni siquiera estaba claro que teníamos que hacer una nueva Constitución, y mucho
menos que su gestación, desde el origen, debía ser exclusivamente parlamentaria. La
ambigüedad con la que todo se había producido en la reforma no permitía saber si
éramos o no unas Cortes constituyentes. Se evocaba la posibilidad de una reforma
496