O Estado oculto - Repositorio Institucional da USC - Universidade ...

seguintes: (a) a atención “aos asuntos que se deben tratar cos gobernos”
(“especialmente onde está vixente un réxime concordatario”); (b) o
favorecemento das “relacións, sobre todo diplomáticas, cos Estados e coas
outras sociedades de dereito público”, así como o tratamento dos “asuntos
comúns” relativos á promoción do “ben da Igrexa e da sociedade civil mediante
os concordatos e outras convencións semellantes”; (c) a representación da
“Santa Sé nos organismos internacionais e en congresos sobre cuestións de
índole pública”; e (d) o tratamento, “no ámbito específico das súas actividades”,
do “referente aos Representantes Pontificios”. 577
As congregacións 578
De acordo cos artigos 48 a 55, a Congregación da Doutrina da Fe 579 promove e
tutela a doutrina católica. Para tal efecto, a congregación (a) esixe un exame
previo das publicacións (dos demais dicasterios e mais dos fieis) relativas á fe
e ao costume; (b) pode reprobar aquelas publicacións e opinións que considere
contrarias á doutrina da igrexa católica; (c) ocúpase de refutar as doutrinas que
considere perigosas; e (d) impón sancións contra os delictos cometidos contra
a fe, contra a moral ou na celebración dos sacramentos. Para Reese (2003 6 ,
249-250), o control que Roma exerce sobre os teólogos –basicamente a través
da Congregación da Doutrina da Fe– “reflects the Vatican’s view that
theologians are to serve, not to challenge, the magisterium, a view that is
running head on into contemporary understanding of academic freedom”.
Estrada (2007) observa criticamente que esta congregación é “un tribunal en
que convergen juez y fiscal, sin que los encausados gocen de derechos
fundamentales para defenderse como conocer las acusaciones y los
acusadores, y tener pleno acceso a todos los documentos. [...] En el
posconcilio ha habido más de un centenar de teólogos amonestados,
sancionados, destituidos o condenados”. A Congregación da Doutrina da Fe,
segundo Reese (2003 6 , 254) defende o segredo do proceso co argumento
segundo o cal, “if the complaints are unfounded, the file can be quietly closed
and stored without harming the theologian’s reputation”.
357