O Estado oculto - Repositorio Institucional da USC - Universidade ...

opinións, de asociacións e de partidos, a liberdade relixiosa, os dereitos dos
traballadores, o dereito de sindicación e o dereito á folga.
(b) O segundo episodio tivo lugar en abril de 1968, cando Paulo VI se
dirixiu por carta a Franco solicitándolle que, de acordo coa doutrina conciliar,
renunciase desinteresadamente ao privilexio de presentación de bispos
previsto no concordato de 1953. 968 O ditador, asesorado polos ministros
Castiella (Asuntos Exteriores) e Oriol (Xustiza), entendeu que a renuncia
solicitada implicaba unha revisión total do concordato, incluídos o privilexio de
foro, 969 o permiso eclesiástico para que a policía puidese entrar nos lugares de
culto ou o réxime de dotación económica da igrexa católica. Así que Franco,
plenamente consciente do oneroso que lle podía resultar á igrexa perder os
enormes privilexios dos que gozaba en España, lle amosou hábil e sutilmente
ao papa que non se lle escapaban os verdadeiros termos do conflito. Tamayo-
Acosta (1978, 158-159) recolle e comenta a contestación (non exenta dunha
certa elegancia diplomática):
«Estoy seguro de que no aprobarían (se refiere a la opinión pública) una renuncia
unilateral por parte del Estado sin que al mismo tiempo se revisen aquellos otros
puntos que, siguiendo las orientaciones de la «Gaudium et Spes», pueden constituir
impedimentos para el testimonio cristiano que reclama la sensibilidad del mundo
actual» [...] O dicho en lenguaje más vulgar e inteligible para todos: «Donde las dan, las
toman, Santidad». 970
De todos os xeitos, a corporación católica xa tomara unha decisión firme.
Cando Mérida (1982, 228) lle pregunta a Martí Alanis, un membro da xerarquía
eclesiástica: “¿Cree usted que la transición política y social de España, que
estamos viviendo, se hubiera realizado como se realiza si no se hubiera
anticipado la labor del concilio?”, a resposta do prelado é elocuente: “Estoy
seguro de que no. No se hubiera encontrado en la Iglesia española la positiva
colaboración que se ha encontrado. Y hubiera sido peor para España y para la
Iglesia”. Iniesta Jiménez (2002, 32), na mesma liña, pregúntase: “¿Qué habría
sido de la transición pacífica hacia la democracia si el episcopado se hubiera
mantenido en una actitud intransigente, numantina y reaccionaria ante los
cambios?”. O cardeal arcebispo de Toledo, Cañizares Llovera (2008, 95), pola
556