O Estado oculto - Repositorio Institucional da USC - Universidade ...

acordos acadados co Estado, a corporación evita a ameaza das
asociacións máis propiamente representativas. Ademais, a corporación
asegúrase, ou ben a obrigatoriedade de ser membro dela (aínda que sexa
pola vía dos feitos), ou ben a autoridade delegada polo Estado sobre os que
non son membros.
• Como contrapartida, o Estado, na procura dun maior grao de influencia
sobre o comportamento das corporacións, define, regula e mesmo dirixe as
súas actividades e déixaas sometidas á observancia de certos controis na
selección dos seus dirixentes e na articulación das súas demandas e dos
seus apoios.
• Neste proceso, no que o Estado e mais as corporacións poñen en xogo,
respectivamente, as súas capacidades de intervención e de mobilización de
recursos, os intereses da maior parte da cidadanía quedan marxinados e
diminúe a importancia das canles electorais de representación.
• Polo tanto, e na medida en que se limita a describir un sistema
característico de intermediación de intereses, o corporatismo simplemente
complementa os modelos pluralistas –nos que as organizacións,
independentes do Estado, compiten entre si nun contexto aberto–, e non
pretende explicar a totalidade dun sistema de dominación política, no que
conviven tanto os arranxos pluralistas como os corporatistas.
292