O Estado oculto - Repositorio Institucional da USC - Universidade ...

172 a 175, esta oficina administra os bens da Santa Sé destinados ao
funcionamento da Curia. Outra oficina, a Prefectura dos Asuntos Económicos
da Santa Sé, dirixe e controla, de acordo co previsto nos artigos 176 a 179, a
administración dos bens dependentes da Santa Sé. Finalmente, e en canto aos
órganos xudiciais, Souto Paz (1995 3 , 280) observa que ”el Romano Pontífice
conserva la condición de juez supremo”, pero “la administración de justicia a
nivel central se ejerce ordinariamente” a través do Tribunal Supremo da
Sinatura Apostólica e do Tribunal da Rota Romana. 581
Os niveis intermedio e nacional
Víamos supra como Lehmbruch entende a rixidez propia da centralización
xerárquica como unha eiva organizativa. A igrexa católica, como puidemos
constatar, procura optimizar a súa estrutura combinando, no nivel central, a
acumulación do poder no papa coa desconcentración necesaria para garantir a
coordinación efectiva das actividades corporativas. Agora veremos como, nos
niveis organizativos inferiores, a igrexa católica tamén procura optimizar o seu
funcionamento mediante a implementación dunha autonomía limitada.
De novo queremos salientar que nos imos centrar exclusivamente nos
trazos das organizacións autónomas ou particulares da corporación católica
que consideramos máis importantes para os nosos efectos, polo que imos
ignorar as igrexas particulares distintas das dioceses, así como as categorías
que constituén excepcións á organización eclesiástica (os distintos subtipos de
bispos, por exemplo). Tampouco entraremos nos matices de figuras tales como
a do ordinario.
359