O Estado oculto - Repositorio Institucional da USC - Universidade ...

Adolfo Suárez, dese comezo a primeira fase da transición, é dicir, para que o
Goberno de España tomase a decisión de restaurar a democracia. A oposición
aceptou a decisión gobernamental de iniciar un proceso de negociación,
garantías recíprocas e pactos porque comprendía que, sen recursos, non era
quen de forzar un cambio súbito do tipo de réxime. Polo tanto, o procedemento
elixido polo Goberno de Adolfo Suárez respectou
los reclamos y condiciones estipulados por las instituciones existentes y los “poderes
de hecho”, en clara oposición a la fórmula de “ruptura pactada” por la que abogaba la
oposición. Sin embargo, esta estrategia coincidía básicamente con las metas
expresadas por la oposición y estaba en abierto conflicto con las aspiraciones de
continuidad de importantes sectores del régimen. Así, el gobierno recuperó la iniciativa
y se ubicó en una oposición [sic] intermedia entre los que estaban a favor de la ruptura
y los que abogaban por la continuidad. (Maravall e Santamaría Ossorio, 1994, 128.)
O propósito gobernamental contaba co apoio da igrexa católica, da
aristocracia financeira –que recibira de Adolfo Suárez a seguridade de que a
reforma non cuestionaría os alicerces do sistema capitalista–, do alto mando
militar –que obtivera a garantía da súa supervivencia, do respecto da
legalidade vixente e da exclusión do Partido Comunista de España–, do
Consejo Nacional del Movimiento, das Cortes e do 94% duns votantes moi
moderados que votaron favorabelmente a Lei para a reforma política sometida
a referendo o 15 de decembro de 1976. Con este éxito no seu haber, Adolfo
Suárez empezou a negociar cunha oposición democrática que pedira a
abstención no referendo. As concesións mutuas foron as seguintes:
220