O Estado oculto - Repositorio Institucional da USC - Universidade ...

A materia de relixión católica 1194
A corporación católica entende o ensino relixioso nos centros públicos “como
elemento básico y fundamental en la maduración de la personalidad cristiana
del alumno”, que “no se lleva a cabo [...] sólo por la clase de religión. Son
muchos los profesores cristianos que están aportando a sus alumnos principios
y actitudes propias de la educación católica” (Conferencia Episcopal Española,
2007b, puntos 51 e 52). Segundo o autor católico Martín Patino (2005), a
materia de relixión non pode confundirse cunha catequese:
En la enseñanza de la religión nos aproximamos a hechos comprobables y localizables
como los de cualquier otra ciencia experimental. Los describimos y los
contextualizamos dentro de los hechos sociales y en relación con las otras ciencias,
saberes o disciplinas escolares. En la catequesis contemplamos esos hechos como
objeto y fundamento del culto religioso. Tratamos de preparar a los alumnos para que
tomen parte en la celebración del misterio.
Resulta, porén, que os artigos 16.3 e 27.4 da Constitución recollen,
respectivamente, a aconfesionalidade do Estado e mais a obrigatoriedade do
ensino básico, do que se pode deducir que o ensino nos centros públicos debe
ser relixiosamente neutral. Ao mesmo tempo, o artigo 27 da Constitución, que
non menciona especificamente a materia de relixión (católica), si que se refire,
no seu parágrafo terceiro, á formación relixiosa e moral. Polo tanto, e como xa
vimos supra con Souto Paz a propósito da distinción entre dereitos-liberdade e
dereitos-prestación, a lei fundamental non impón a obriga de impartir a materia
de relixión católica nos centros de ensino públicos. 1195 Como explica Contreras
Mazarío (1992, 55-61), os poderes públicos están constitucionalmente
obrigados a adoptaren as accións positivas necesarias para o exercicio efectivo
do dereito dos pais a que seus fillos reciban a formación relixiosa ou moral que
estea de acordo coas súas propias conviccións, pero esta obriga non inclúe a
de estabelecer a materia de relixión no sistema educativo público. 1196 De
maneira que os pais non poden fundamentar constitucionalmente un suposto
dereito a que seus fillos reciban nos centros docentes públicos a ensinanza da
relixión que profesen. O que non significa que a integración da ensinanza da
647