O Estado oculto - Repositorio Institucional da USC - Universidade ...

• A igrexa católica ocupa, de acordo coa tradición orgánico-corporativa
ibérico-latina, unha posición central no campo político español, o que
explica a dominación da cultura relixioso-política católica. Os resultados do
Concilio Vaticano II provocan o comezo do proceso real de transición,
durante o cal a igrexa católica renovada lle vai retirando ao réxime
despótico o seu fundamental apoio ideolóxico e empeza a operar no campo
político como un axente con novas aspiracións de dominación. Cando
arrinca a etapa de democratización, a corporación católica, despois de se
abster de recomendar o sentido do voto no referendo sobre a Lei para a
reforma política, aproveita que o relatorio constitucional traballa en segredo
para presionalo discretamente coa finalidade de asegurar os seus intereses.
503