O Estado oculto - Repositorio Institucional da USC - Universidade ...

legalidade anterior) e condicionado polo reformismo que impuñan a Lei para a
reforma política e mais a constitucionalización da monarquía; (e) as cámaras
foron elixidas como cámaras lexislativas, pero a vontade dos parlamentarios,
do Goberno de España e mais do rei converteunas en constituíntes.
Tamén Colomer Calsina (1998, 116) repara no feito de que a Lei para a
reforma política non preveu con claridade a apertura dun proceso constituínte
tras a celebración das primeiras eleccións ás Cortes. Pero as Cortes
lexislativas transformáronse elas mesmas en constituíntes e apoiaron esta
decisión no artigo 3º.1 da Lei para a reforma política 811 . Finalmente, Capella
(2003, 30-31) entende que a asemblea elixida “iba a ser una asamblea
constituyente sólo materialmente. [...] Sólo a posteriori podrían ser calificadas
de constituyentes las nuevas Cortes”. 812
Do relatorio constitucional –creado para redactar un anteproxecto de
Constitución e do que estiveron ausentes a minoría vasca e o PSP– formaron
parte Gabriel Cisneros Laborda (UCD), Manuel Fraga Iribarne (AP) 813 , Miguel
Herrero y Rodríguez de Miñón (UCD), Gregorio Peces-Barba Martínez (PSOE),
José Pedro Pérez Llorca (UCD), Miquel Roca Junyent (CDC) e Jordi Solé Tura
(PCE-PSUC). O relatorio reuniuse por primeira vez o 22 de agosto de 1977 e
decidiu por unanimidade traballar de xeito confidencial e sen levantar actas, o
que, desde o punto de vista da ortodoxia democrática, e como apunta Morodo
(1984, 172-174), constitúe unha irregularidade. Porén –e aquí Morodo únese á
maior parte dos autores que entenden que, neste caso, o fin xustifica os
medios–, o segredo 814 co que traballou o relatorio acabou sendo positivo,
porque facilitou o necesario consenso constitucional:
En aquellos momentos, en defensa de los principios ortodoxos democráticos, la no
confidencialidad, es decir, la diafanidad desde el comienzo, era [...] la postura correcta.
Pero, desde la perspectiva posterior, desde los resultados, ha sido positivo que se
mantuvieran en secreto los trabajos de la ponencia. Como en el problema
constituyente, las irregularidades –e, indudablemente, lo fueron– se legitimarían por el
resultado correcto del amplio consenso conseguido.
Segundo Peces-Barba Martínez (1988, 30-34), foi o relator Roca Junyent
quen suxeriu a conveniencia de que os traballos foran secretos. A “conexión
498