O Estado oculto - Repositorio Institucional da USC - Universidade ...

En definitiva, e como poderemos ver con máis detalle neste mesmo
capítulo e no capítulo 22, o consenso da transición política deu lugar a unha
Constitución, a uns acordos coa Santa Sé e a unha lexislación que representan
perfectamente os intereses da igrexa católica. Se no capítulo 9, da man de
Alemann e Heinze, aludíamos á simbiose entre o Estado e a igrexa católica,
agora podemos concretar que se creou un ámbito político mesocorporatista no
que a igrexa católica aparece como interlocutora monopolística do Estado en
materia relixiosa. Había que inducir a obrigatoriedade da intervención da
corporación católica na formulación e na implementación de determinadas
políticas públicas, o que, como vimos no capítulo 10, é propio do corporatismo.
Dado que, pola súa propia natureza, o Estado aconfesional carece dunha
política relixiosa que vaia máis alá da protección da liberdade de conciencia e
de culto, a función relixiosa do Estado que se pretendía corporatizar debía ser
creada. 1074 Retomando unha idea de Schmitter coa que nos atopamos no
capítulo 9, estaríamos ante un caso de emerxencia controlada dun arranxo
corporatista, que aquí se logrou mediante a estatalización da relixión no artigo
16.3 da Constitución –malia que a súa ambigua literalidade poida inducir unha
interpretación contraria–, nos acordos de 1979 e na lexislación en materia
relixiosa: 1075
relixión
estatalización
función
pública
relixiosa
A maiores produciuse unha corporatización da función pública relixiosa
no campo educativo. En efecto, a liberdade de creación de centros docentes
recollida no artigo 27 da Constitución permítelle á igrexa católica, titular
oligopolística dos centros de ensino privados e privados concertados, asumir
funcións de formulación e de implementación de políticas públicas no ámbito
educativo. Pero neste ámbito tamén incide a corporatización da función pública
relixiosa, na medida en que a igrexa codetermina o contido e o valor curricular
da materia de relixión católica e asume tamén funcións en materia de persoal
608
corporatización