O Estado oculto - Repositorio Institucional da USC - Universidade ...

A teoría literaria dos polisistemas 117
Sheffy (1990, 511-512) sinala que a teoría dos polisistemas foi desenvolvida
basicamente en referencia á literatura. Porén, esta teoría non pretende en
absoluto limitarse ao campo literario e realiza un achegamento non
inmanentista ou non apriorístico ao fenómeno da canonicidade: explica como
un produto cultural se desenvolve nun mercado no que inciden o contexto e os
valores, ou como detrás de todo produto cultural é posíbel detectar algún tipo
de dependencia ideolóxica. Isto explica o feito de que, como sinala Iglesias
Santos (1997, 2-3), a teoría dos polisistemas permita “una fértil interacción con
el modelo teórico propuesto por el sociólogo y antropólogo francés Pierre
Bourdieu”, na medida en que a cuestión do canon “se vincula [...] a los
procesos de legitimación de la actividad artística en el seno del campo literario”.
Un concepto esencial na teoría dos polisistemas –e que xa apareceu
neste traballo desde o capítulo 1– é o de repertorio, que é o conxunto de
normas e de materiais, de modelos e de elementos que regulan a produción e
mais a recepción dos textos ou dos produtos culturais nun momento histórico e
nunha cultura determinados. Un repertorio, polo tanto, é un instrumento de
orientación e de configuración, integrado por procedementos de selección, de
manipulación, de ampliación e de supresión. 118 En efecto, é preciso elaborar os
precoñecementos necesarios para que o texto poida ser escrito e tamén
entendido; con outras palabras, a efectividade da comunicación, tanto na
codificación (na produción) como na decodificación (no consumo), baséase
sobre uns coñecementos mínimos e compartidos. 119 Polo tanto,
un canon no puede estar constituido por obras literarias (textos) sin que intervenga
simultáneamente el modelo o «repertorio» que otorga a aquellas su lugar en una
cultura. Una cultura no la configuran sus textos, sino la relación entre textos y códigos
en un devenir histórico. [...]
[...]
[...] La familiaridad que un lector tiene con un género, el conjunto de
conocimientos, prejuicios, acuerdos, presuposiciones, sin los cuales no se daría la
comunicación literaria, pertenece al ámbito del repertorio. Es como la lengua, la
gramática y el léxico de un texto. (Pozuelo Yvancos, 2000, 86-88.)
84