O Estado oculto - Repositorio Institucional da USC - Universidade ...

jurídico-política por otra homologable con regímenes liberales. Lo que se llevó a cabo
en 1976-1977 actualizando los planes [...] de restaurar la monarquía y fortalecer las
estructuras socioeconómicas mediante su «legitimación democrática». (Garcés, 1996,
213-214.)
Para que puidesen realizarse con éxito estes plans de integración plena
de España na Coalición da Guerra Fría era preciso crear un sistema de
partidos que (a) impedise unha democratización socializante e (b) estivese
nucleado ao redor dun partido dominante subxacente. 843 De feito, os obxectivos
e mais os programas políticos dos grandes partidos de ámbito estatal (a UCD,
que articulou o eixe de centro-dereita, e o PSOE, que articulou o eixe de
centro-esquerda) foron esencialmente idénticos no tocante ao mantemento do
statu quo. Os partidos políticos convertéronse en (a) asociacións paraestatais
(b) formadas por equipos políticos protexidos, (c) financiadas desde a Coalición
da Guerra Fría (a través de fundacións e doutras vías), (d) respectuosas co
statu quo socioeconómico (para o que contaron coa axuda duns sindicatos
integrados no sistema, unha vez desaparecida a súa dimensión de clase) e (e)
dirixidas por oligarquías internas afastadas da cidadanía.
Tratábase de que os partidos políticos puidesen representar o Estado
ante a sociedade –e non tanto representar a sociedade ante o Estado– e, en
definitiva, de construír un sistema pluralista restrinxido e condicionado. De feito,
a reforma realizouse a partir do presuposto básico de que determinados feitos
consumados derivados de pactos secretos –mesmo para os órganos de
representación dos partidos políticos– debían evitar que a sociedade puidese
adoptar decisións políticas fundamentais. Destes plans formaba parte Juan
Carlos de Borbón, quen estaba chamado a ser o garante dunha transición
controlada. Pola contra, o almirante Luis Carrero Blanco, designado por Franco
presidente do Goberno en xuño de 1973 grazas á súa demostrada lealdade,
converteuse nun problema para o control que pretendían exercer os EUA: a
súa identificación co ditador podía introducir inestabilidade sociopolítica no
proceso de transición.
¿Cómo se resolvió la contradicción? En diciembre de 1973, en medio de movilizaciones
sociales contra la dictadura, el almirante Carrero voló por los aires dentro de su
automóvil. Veinte años después aún es materia de especulación si hubo un
517