O Estado oculto - Repositorio Institucional da USC - Universidade ...

Estado, (b) as congregacións, (c) os consellos ponticificios, (d) as oficinas e (e)
os tribunais.
Nos artigos 3 a 6 prevese que só poden ser propiamente membros dun
dicasterio, dirixido por un cardeal (prefecto) ou por un arcebispo (presidente),
os cardeais e os bispos, aínda que de cada dicasterio poden formar parte
tamén cregos e outros fieis. A estrutura administrativa intégrana un secretario e
un subsecretario, así como os consultores, os oficiais maiores e os oficiais. A
duración do nomeamento do prefecto ou do presidente, así como do secretario,
dos oficiais maiores e dos consultores, é de cinco anos. Porén, a morte do
papa leva consigo o cesamento dos membros dos dicasterios, agás do cardeal
camarlengo (que verifica a morte do papa e, de acordo co previsto no artigo
171, dirixe a Cámara Apostólica, con funcións específicas nos períodos de sé
apostólica vacante), do penintenciario maior e dos vigairos de Roma e da
Cidade do Vaticano. 574 A idade máxima para desempeñar un cargo nun
dicasterio oscila entre os 75 anos (os dirixentes e os secretarios, agás os
cardeais, que poden seguir no cargo se así o decide o papa) e os 80 anos (os
bispos).
Souto Paz (1995 3 , 280) realiza unha importante observación para non
perdermos de vista o carácter instrumental da Curia nin sobrevalorar o alcance
da colexialidade no seo da corporación católica:
Aunque esta organización se ha pretendido equiparar a un Consejo de
Ministros, cuyo presidente sería el Secretario de Estado, hay que advertir que los
organismos descritos [os dicasterios] no constituyen un órgano colegial similar al
gobierno de una nación. Cada órgano tiene una competencia determinada y, aunque
sus titulares pueden ser convocados por el Secretario de Estado para coordinar sus
trabajos, informar y oír sus pareceres, sus acuerdos, sin embargo, no son colegiados.
A Secretaría de Estado: a dirección do aparato político e diplomático da Santa
Sé
Malia que o artigo 2.2 prescribe a igualdade xurídica entre os dicasterios, a
Secretaría de Estado, presidida polo cardeal secretario de Estado, ocupa de
355