O Estado oculto - Repositorio Institucional da USC - Universidade ...

feito o segundo lugar na xerarquía corporativa, tras o papa, 575 e é a máxima
responsábel do aparato político e diplomático vaticano. Se o papa é o xefe do
Estado, o secretario de Estado equivalería a un xefe do goberno ou primeiro
ministro, así como a un ministro de asuntos exteriores. Significativamente, e
como indica Reese (2003 6 , 175), as dependencias da Secretaría de Estado
están situadas no terceiro andar do Palacio Apostólico, o mesmo andar no que
se atopan os apartamentos do papa. A Secretaría de Estado coordina os
organismos da Curia e está dividida en dúas seccións. A súa función xeral e a
súa estrutura regúlanse nos artigos 39 e 40, aínda que, na práctica, segundo
Reese (2003 6 , 175-180), o reparto de competencias entre as dúas seccións é
confuso.
A Sección de Asuntos Xerais ou primeira sección, regulada nos artigos
40 a 44, está dirixida habitualmente por un arcebispo, o substituto da
Secretaría de Estado, asistido polo asesor. Entre as funcións desta sección
interésanos destacar as seguintes: (a) A regulación “da función dos
Representantes da Santa Sé e da súa actividade, especialmente no que se
refire ás Igrexas particulares”. (b) O cumprimento “con todo o que se refire aos
Representantes dos Estados ante a Santa Sé”. (c) A “presenza e a actividade
da Santa Sé ante as organizacións internacionais”, incluídas as católicas. (d) A
xestión da política informativa: “publicación das actas e dos documentos
públicos da Santa Sé” nas Acta Apostolicae Sedis (o boletín oficial);
publicación, a través da Sala de Prensa, das informacións oficiais; e vixilancia
do “xornal chamado L’Osservatore Romano, Radio Vaticano e o Centro
Televisivo Vaticano”. 576 Bruckmoser (2006, 63) e Reese (2003 6 , 175-177 e 181)
explican que a primeira sección centraliza o tráfico documental do papa:
calquera documento que entre ou que saia pasa por esta sección, desde unha
carta até unha encíclica. A maiores, esta sección actúa como un órgano de
coordinación da Curia (e o substituto, o funcionario máis influínte despois do
secretario de Estado, actúa como o xefe de gabinete do papa).
Os artigos 40, 45 e 47 regulan a Sección de Relacións cos Estados ou
segunda sección (equivalente a un ministerio de asuntos exteriores), dirixida
polo secretario para as Relacións cos Estados, que está asistido polo
subsecretario. Entre as súas funcións interésannos especialmente as
356