O Estado oculto - Repositorio Institucional da USC - Universidade ...

No que aquí nos interesa, a utilidade desta tipoloxía está en que a
natureza do réxime político non democrático pode ter unha gran influencia nos
procesos de transición e de consolidación democráticas 200 . Por outra banda, os
réximes autoritarios como o franquista poden, segundo Linz (1990, 10-14),
atoparse fronte a graves problemas por non seren quen de transformar a súa
eficacia en lexitimidade política. En situacións de crise, cando non son capaces
de satisfacer as expectativas sociais e existen alternativas democráticas, os
réximes autoritarios teñen grandes dificultades para atopar apoios. Porén, unha
cousa é o proceso de crise dun réxime autoritario e outra, analiticamente ben
distinta, unha transición política cara á democracia:
El colapso de un régimen autoritario puede o no puede crear las condiciones para el
triunfo de la democracia política. No es infrecuente que la crisis de un gobierno o
régimen autoritario lleve a su sustitución por otro régimen similar, y muchos países han
experimentado sucesivos golpes de estado, a veces de orientación ideológica diferente
y, en otros casos, el colapso de este tipo de régimen ha llevado a alternativas
autoritarias revolucionarias. La inestabilidad del régimen no democrático, por tanto, no
conlleva necesariamente el establecimiento de la democracia, a menos que
intervengan otros factores.
Malefakis: un exemplo de recepción do modelo de Linz
Se os detentadores da autoridade científica son os que controlan a pertenza ao
campo politolóxico e procuran minimizar as posibilidades de cambio, é
esperábel que a maior parte dos axentes evite os riscos de cuestionar as
posicións canónicas e opte pola recepción do repertorio dominante. Entre os
moitos autores cuxos textos son tributarios do modelo canónico de Linz 201
podemos mencionar o exemplo de Malefakis (2000, 26-39 e 48-55), que, na
súa procura dunha resposta á pregunta de se o réxime de Franco foi fascista,
leva a cabo unha avaliación deste réxime partindo dos trazos que considera
máis importantes nas ditaduras alemá e italiana. No seguinte cadro intentamos
representar o modelo de Malefakis:
130