O Estado oculto - Repositorio Institucional da USC - Universidade ...

durante a guerra, da prolongación a mantenta do conflito armado, da
institucionalización da vinganza a través dun réxime bárbaro de exterminio,
represión e terror, e do rexeitamento da reconciliación durante a longa ditadura.
Cerraremos este capítulo coas implacábeis ideas de Cárcel Ortí (2008,
24-27): “A veces, las heridas del pasado siguen tan abiertas que incluso
gobiernos democráticos se ven obligados a imponer el silencio para
salvaguardar la unidad del país”. A busca das responsabilidades do pasado
estaría a miúdo animada por un espírito inquisitorial. Sobre todo o executivo –
en alusión aos gobernos presididos por José Luis Rodríguez Zapatero– podería
ter a tentación de converter o escrutinio do pasado nun “instrumento político
para penalizar a la oposición”, 310 ademais de implicarse nunha tarefa
pseudocientífica e propagandística con intencións vingativas. E, en definitiva, a
“historia no puede escribirse de nuevo y la reconciliación de la Iglesia con los
vencidos en la Guerra Civil no se puede hacer eliminando o añadiendo placas
conmemorativas” (Cárcel Ortí, 2008, 34). O que non impide reclamar –noblesse
oblige– un acto de xustiza verbo dos católicos: “A los mártires 311 hay que
rendirles el honor que se merecen” (Cárcel Ortí, 2008, 405).
Estes son os principais puntos tratados neste capítulo:
• A transición política española forma parte da terceira vaga de
democratización, que comeza coa Revolución dos Cravos de abril de 1974.
O proceso iníciase cando morre Franco, o 20 de novembro de 1975, e
conclúe tras a celebración dos referendos autonómicos no País Vasco e en
Cataluña, o 25 de outubro de 1979.
• O conxunto dos cambios que determinan a terceira vaga son o crecemento
económico mundial dos anos sesenta –que eleva o nivel de vida dunhas
clases medias que van ser especialmente activas na democratización–, os
problemas de lexitimación dos sistemas autoritarios no posterior contexto de
crise económica –derivada da suba dos prezos do petróleo de 1973-1974–,
as mutacións que se producen no seo da igrexa católica co gallo do Concilio
Vaticano II –que se plasman nunha doutrina e nunha práctica reformistas e
199