O Estado oculto - Repositorio Institucional da USC - Universidade ...

epertorios marxinados– que entren en conflito cos repertorios dominantes.
Estes, por definición, son continuístas, e deles só son de esperar actitudes de
pasividade e de resistencia. Se o desenlace das loitas dentro do campo
politolóxico depende sempre da súa correspondencia coas loitas que teñen
lugar no campo do poder ou no campo social en xeral 126 , é absolutamente
perentorio, nun contexto controlado polo pensamento único e por un vigoroso
modelo neoliberal de globalización 127 , implementar un abano de recursos –
redes académicas e sociais, acordos, símbolos culturais e ideolóxicos,
oportunidades– que sexa suficientemente consistente como para inducir o
cambio científico que permita diagnosticar e afrontar os graves problemas
políticos da nosa época.
Estes son os principais puntos tratados neste capítulo:
• O campo social produce distintas formas de pensamento porque a posición
do axente inflúe sobre o seu modo de ver as cousas.
• Dentro do campo social existen posicións de dominación e posicións de
subordinación. Os distintos estratos sociais xeran diferentes correntes
intelectuais que coexisten conflitivamente.
• Así, na medida en que forma parte dunha concepción do mundo, todo
produto cultural presenta algún tipo de dependencia ideolóxica. Responde,
polo tanto, ás crenzas e aos criterios de verdade dun grupo de institucións e
de axentes, e pode ser rexeitado por outro grupo con intereses antagónicos
co argumento de que está controlado ideoloxicamente.
• O pluralismo existente no campo da ciencia social débese a que a disciplina
está enraizada nas esferas racional e afectiva do coñecemento, dado que o
científico social é parte das colectividades que estuda.
• Pero a ciencia social non é simplemente un campo plural ou
multiparadigmático. Hai repertorios que poden converterse en dominantes e
se presentan como a verdade científica.
• A adhesión a un repertorio é, en última instancia, unha cuestión de fe, e
está ligada a unha época concreta. Non é nin accidental, nin fortuíta, nin
88