O Estado oculto - Repositorio Institucional da USC - Universidade ...

A corporación católica queda excluída da condición de empregadora en
favor das administracións educativas. Pero, sempre segundo Contreras
Mazarío e Celador Angón, o empresario contrata o profesorado de relixión
católica en función da decisión tomada por “un sujeto extraño a la
Administración como es el obispo diocesano” por “motivos exclusivamente
religiosos”, o que “resulta claramente incompatible con el artículo 16.3” da
Constitución. Vexamos agora se o Tribunal Constitucional está de acordo con
esta afirmación tan contundente.
Un modelo bendicido polo Tribunal Constitucional
Unha recente sentenza do Tribunal Constitucional –a 38/2007, do 15 de
febreiro (suplemento do BOE do 14 de marzo)– ofrécenos un exemplo de
perfecta coherencia xurisprudencial co modelo español de corporatización da
función pública relixiosa no ámbito do ensino, ao que se alude, no fundamento
xurídico 13, cunha referencia ás modulacións que resultan da singularidade do
ensino relixioso. A cuestión litixiosa ventilada na sentenza era a posíbel
inconstitucionalidade do réxime de contratación pública do profesorado da
materia de relixión católica (no que, como vimos, hai un suxeito alleo ao Estado
que decide –facendo uso de criterios cuxa constitucionalidade é debatíbel–
sobre o acceso e a continuidade no emprego) plasmado no artigo III do acordo
do 3 de xaneiro de 1979 sobre ensino e asuntos culturais, así como no artigo
93 da Lei 50/1998, do 30 de decembro, de medidas fiscais, administrativas e de
orde social. O deber de cooperación entre os poderes públicos e a igrexa
católica recollido no artigo 16.3 da lei fundamental ampara o feito de que o
profesorado da materia de relixión católica sexa persoal laboral contratado en
réxime temporal polas administracións educativas de acordo coa proposta da
igrexa católica?
Segundo o Tribunal Constitucional, (a) que o docente da materia de
relixión católica estea vinculado á administración educativa mediante un
contrato laboral non atenta contra o dereito á igualdade e á non discriminación
do artigo 14 da Constitución; a opción lexislativa polo contrato laboral (que non
657