O Estado oculto - Repositorio Institucional da USC - Universidade ...

Constitucional [sic], pero no era el encargo específico de los electores y no se podía
decir que habíamos sido elegidos para hacer una Constitución.
Segundo Gallego-Díaz e Cuadra (1989, 25), a Lei para a reforma política
non aludía a unhas Cortes constituíntes, pero “el país no tuvo grandes dudas
sobre el carácter constituyente de las Cortes que iba a elegir”: os electores
“sabían que aquellos por los que estaban votando se habían encomendado a sí
mismos esa tarea: redactar la novena Constitución española”. Con máis vagar,
Morodo (1984, 121-122, 169-213) caracteriza o proceso constituínte como
singular, sui generis e heterodoxo. 810 As disposicións transitorias da Lei para a
reforma política non sinalan, “cuestión que siempre quedará polémica, si serían
o no constituyentes [...]. [...] Formalmente, la Ley para la Reforma Política
aparece como una convocatoria a Cortes, no definidas como constituyentes,
pero de intencionalidad finalista: elecciones para establecer una nueva
legalidad”. As Cortes terían así carácter constituínte no seu resultado, que foi o
texto constitucional. O proceso abrangueu o período que foi desde o 26 de
xullo de 1977 até decembro de 1978 e tivo sete etapas: (a) O 26 de xullo de
1977 constituíuse a Comisión de Asuntos Constitucionais e Liberdades
Públicas do Congreso dos Deputados, no seo da cal, o 2 de agosto de 1977, se
designou un relatorio encargado de elaborar un anteproxecto de Constitución
que se publicou o 5 de xaneiro de 1978 e se debateu na comisión e polo pleno
do Congreso durante os meses de maio a xullo de 1978. (b) Entre agosto e
outubro de 1978, o Senado aprobou varias modificacións ao texto do proxecto.
(c) En outubro de 1978, a Comisión Mixta Congreso-Senado debateu
secretamente e aprobou o texto constitucional. (d) O 31 de outubro de 1978, as
dúas cámaras aprobaron o ditame da Comisión Mixta Congreso-Senado. (e) O
6 de decembro de 1978, o proxecto de Constitución foi sometido a referendo.
(f) O 27 de decembro de 1978, o rei sancionou a Constitución. (g) O 29 de
decembro de 1978, a Constitución publicouse no BOE.
Nunha liña parecida, Soto Carmona (1998, 65-67) entende que o proceso
constituínte tivo as seguintes características: (a) foi atípico; (b) levouse a cabo
sen un goberno provisional e (c) sen unha asemblea constituínte unicameral
para redactar a Constitución; (d) foi autoconstituínte, é dicir, non foi un proceso
constituínte orixinario e ilimitado, senón derivativo (procedeu directamente da
497