O Estado oculto - Repositorio Institucional da USC - Universidade ...

así como os relativos á súa seguridade moral e pastoral, resoltos polo Estado–
960 atopouse de súpeto dividida en tres bloques: o dos progresistas, o dos
tradicionalistas e o da maioría confusa e insegura. 961 Pero o que era
indiscutíbel era a inevitabilidade de que a igrexa católica española realizase un
difícil proceso de cambio e de reestruturación. De feito, na Declaración
colectiva del Episcopado español para la etapa postconciliar 962 (do mesmo día
no que se clausurou o concilio, o 8 de decembro de 1965) xa se pode constatar
o propósito –expresado cun ton tímido e case resignado; “anodino” pero “más
abierto de lo previsible”, segundo Piñol (1999, 269)– de obedecer o disposto
nos documentos conciliares. 963 En palabras de Barreiro Rivas (1999b, 42): “No
estamos ante una crítica activa de la Iglesia frente al franquismo, ni, mucho
menos aún, una actitud beligerante en defensa de la libertad política de los
españoles, sino ante un primer paso definitorio de su posición [a]nte la
transición que comenzaba a intuirse”. 964
Malia a sorpresa e a desorientación iniciais, os moi conservadores
bispos españois empezaban a percibir a inviabilidade do réxime despótico
franquista e a necesidade de implementar os cambios ditados por Roma.
Comezaba o que Callahan (2000, 390) cualifica de “proceso de adaptación de
la cúpula eclesiástica a los desafíos de los años sesenta”, que “consistía más
en una mezcla ambigua y, en ocasiones, contradictoria de mejoras y retrocesos
que en un progreso lineal hacia la aceptación de una sociedad plural regida por
los principios de la democracia”. Segundo Tusell Gómez (1988, 385), os bispos
españois sentíronse inicialmente moi desconcertados, o que era comprensíbel
tendo en conta a súa idade avanzada, a súa ideoloxía, a súa memoria da
Guerra Civil e a súa pobre formación intelectual; precisamente por estes
motivos, a súa capacidade “de evolucionar en el sentido marcado por el
Concilio” debe ser cualificada de “especialísimamente meritoria”.
Mentres tanto, en Madrid
Na segunda metade da década dos anos sesenta do século XX, tal e como
vimos nos capítulos 16 e 17, o proceso real de transición política estaba en
553