O Estado oculto - Repositorio Institucional da USC - Universidade ...

intereses dos altos sectores financeiro, económico e terratenente, aínda que se
presentaban como dirixidas ao desenvolvemento económico e ao fomento dos
sectores económicos débiles. Poderíanse citar como exemplos o Instituto
Nacional de Industria ou o Banco de Crédito Industrial y Agrícola. 671
O exército
En canto ao papel que os réximes despóticos modernos lle atribúen ao
exército, Giner e Sevilla-Guzmán 672 entenden que se trata da institución que,
situada nas posicións centrais do campo político pola forza da que pode facer
uso na creación da forma de goberno, (a) asegura, en última instancia, a propia
existencia do sistema de dominación, (b) realiza un labor represivo a través da
xurisdición militar e (c) asume unha función de neutralización ideolóxica a
través da socialización no servizo militar.
Como xa puidemos ver neste mesmo capítulo, o pluralismo restrinxido é
un pluralismo de clase no que se integran aqueles funcionarios que, para
defenderen os seus intereses colectivos e mais a expansión da súa esfera de
influencia, poden constituír organizacións profesionais. Así entendido, exército
non foi unha clase de servizo do réxime despótico franquista, e non puido
participar no seu pluralismo limitado. En efecto, e malia a súa sublevación
contra a República e o seu protagonismo na Guerra Civil, no exército non podía
haber corpos profesionais. Porén, a posición do exército dentro do campo
político español era peculiar. O feito de que non constituíse per se nin unha
clase de servizo nin unha das clases dirixentes tivo unha excepción: a
cooptación dun gran número de oficiais para ocuparen postos como cargos
políticos ou altos funcionarios noutras institucións, e, polo tanto, para
integrárense nas clases de servizo a título individual (fenómeno este que
respondía á natureza militarizada da sociedade española). Pero, mesmo neste
último caso, os militares foron unha minoría dentro da elite política –agás
durante a consolidación do sistema–, aínda que era moi frecuente que se lles
reservase a xestión gobernamental dos asuntos militares.
406