O Estado oculto - Repositorio Institucional da USC - Universidade ...

O campo e o canon na ciencia política
De acordo co avanzado no punto 8 da introdución, imos abordar ao longo deste
traballo un conxunto de 20 cuestións que consideramos particularmente
importantes. Nos dous capítulos desta primeira parte, as cuestións son as
seguintes:
1. Cando e por que naceu a ciencia social, e como se diversificou nas súas
distintas disciplinas?
2. Que é o ámbito científico? A ciencia social é uniforme ou plural? E se non
fose uniforme, como poderíamos caracterizar o seu pluralismo? Exercen os
axentes políticos algún tipo de presión sobre a ciencia social?
3. Existen ideas dominantes no ámbito científico, e particularmente na ciencia
social? En caso afirmativo, como poderíamos describilas?
Nas conclusións, e tendo en conta os principais puntos tratados nos
dous seguintes capítulos, procuraremos aclarar cada unha das tres cuestións
aquí formuladas.
40