O Estado oculto - Repositorio Institucional da USC - Universidade ...

O nivel intermedio: os legados do romano pontífice
A rede diplomática da Santa Sé é das máis antigas da historia moderna. O
artigo 12 do tratado de Letrán recoñécelle á Santa Sé o dereito de legación
activo e pasivo. 582 Formado na Pontificia Academia Eclesiástica, o legado
pontificio é nomeado polo papa e depende funcionalmente, como estabelece o
artigo 46 da Pastor bonus, da segunda sección da Secretaría de Estado. Pola
contra, no artigo 41.1 estabelécese que a regulación da función e da actividade
dos representantes da Santa Sé é competencia da primeira sección,
especialmente no que se refire ás igrexas particulares. O Código de dereito
canónico regula a figura do legado do romano pontífice nos canons 362 a 367.
O legado pontificio é o representante da Santa Sé (a) ante as igrexas
particulares, (b) ante os Estados e (c) ante os organismos ou as conferencias
internacionais 583 . No exercicio desta función, o legado mantén relacións coa
conferencia episcopal e media nos nomeamentos dos bispos. Forma parte do
corpo diplomático e o seu nomeamento, así como o exercicio da súa función,
están sometidos ao dereito internacional público. 584
Colonna-Cesari 585 observa que a actividade diplomática do Vaticano está
dirixida a protexer os intereses do catolicismo. A diplomacia vaticana goza dunha
reputación baseada sobre a excelente formación dos seus membros e mais
sobre a práctica dunha tradición secular. O estilo da diplomacia vaticana é o
secretismo, a prudencia e a discreción. As nunciaturas transmítenlle
permanentemente ao Vaticano todo tipo de datos sobre os Estados nos que se
atopan, o que explica que a sede romana da igrexa católica poida considerarse
un centro de información único no mundo. Nunha liña semellante, Reese 586
anota: “While most embassies have few contacts outside government circles,
nunciatures through contacts with the local church have sources of information
unavailable to most embassies many times their size. The newsgathering
potential of these contacts would be the envy of CNN or CIA. This is one reason
governments find it valuable to have embassies to the Holy See”.
Existen dous tipos de legados pontificios. (a) O nuncio apostólico é o
representante do papa ante o Estado. De acordo coa tradición diplomática, o
nuncio é o decano do corpo diplomático, coas correspondentes consecuencias
361