O Estado oculto - Repositorio Institucional da USC - Universidade ...

• Un xeito de organizar e de controlar intereses en conflito é o corporatismo,
cuxos instrumentos son o consenso e a simbiose entre o Estado –entendido
como unha estrutura de dominación que procura manter a orde social– e as
corporacións.
• Unha corporación é unha organización formalmente constituída pola
asociación de persoas que achegan os fondos para o seu funcionamento,
se rexen por unhas normas, dividen o traballo entre elas e distribúen o
poder xerarquicamente. No cume da organización atópanse os líderes e
mais a burocracia.
• No corporativismo histórico, o Estado (por exemplo, o español durante o
franquismo) converte a harmonía social e o mantemento da orde en
obxectivos políticos prioritarios e, de acordo coa súa ideoloxía elitista,
autoritaria, nacionalista, tradicionalista, organicista, antiparlamentaria e
antiliberal, atribúelles a formación da vontade política exclusivamente ás
organizacións representativas dos grupos sociais, económicos e políticos
hexemónicos.
• Porén, o repertorio corporatista non trae causa do corporativismo dos anos
vinte e trinta do século XX, senón dunha reacción –que ten lugar nos anos
setenta– contra a insuficiencia dos modelos pluralistas dominantes para
daren conta do sistema moderno de intermediación de intereses e de
resolución do conflito nas comunidades políticas democráticas.
• Así, o corporatismo defínese como un sistema de intermediación de
intereses privados no que os axentes, organizados en categorías
cuantitativamente limitadas, singulares, a miúdo obrigatorias, relacionadas
nun contexto de competencia restrinxida, xerarquicamente ordenadas e
funcionalmente diferenciadas, reciben do Estado un status público e un
monopolio representativo dentro dos seus respectivos campos para
perseguiren o control de determinados bens escasos, a imposición dos seus
intereses e a prestación de servizos aos seus membros mediante a
asunción da corresponsabilidade na formulación e na aplicación de
determinadas políticas públicas.
• Encargada en exclusiva de implementar determinadas políticas públicas e
dotada do poder de lles impor aos seus membros o cumprimento dos
291