O Estado oculto - Repositorio Institucional da USC - Universidade ...

Despois, Giner e Pérez Yruela (1979, 13-14, e 1988a, 22 e 34) pasan a
propor dúas definicións centrais: (a) A sociedade corporativa é “toda aquella en
la que los modos de estructuración fundamentales, los de conflicto y los de
orden clasista, de poder y de prestigio, vigen y se ejercen a través de
corporaciones”. E (b) o corporatismo é a “presencia hegemónica de las
corporaciones [...] en una sociedad dada”. 467 A presenza hexemónica das
corporacións nos réximes liberais democráticos explícase pola combinación de
tres procesos: (a) o crecemento das organizacións e dos intereses
colectivamente organizados; (b) a interpenetración entre o Estado e a
sociedade civil a partir da ampliación da esfera de intervención do Estado; e (c)
o desenvolvemento de pautas de interacción das corporacións entre elas e co
Estado a través de fórmulas de colaboración ou de competencia máis ou
menos rixidamente institucionalizadas. En realidade estase a configurar unha
nova orde social derivada de (a) a redución do pluralismo, (b) a primacía da
acción colectiva sobre a individual na defensa dos intereses, 468 (c) a
segmentación da clase traballadora por mor da especialización e da
xerarquización que xeran as organizacións, (d) a proliferación de novos grupos
de interese organizados, (e) o cambio no papel do Estado e a súa crecente
interacción coa sociedade civil, (f) o aumento da colaboración interclasista ao
redor de obxectivos xerais, e (g) as tendencias monopolísticas ou
oligopolísticas na especialización funcional das organizacións. Esta nova orde
social non substitúe por completo a orde liberal-democrática. De feito, a análise
corporatista é insuficiente para explicar todos os cambios que se están a
producir:
La visión de la sociedad contemporánea como «sociedad corporativa» o penetrada por
el corporatismo no es, pues, más que un enfoque relativo sin más pretensión que la de
iluminar ciertos aspectos interesantes y característicos de un mundo que, en absoluto,
queda abarcado y plenamente explicado por tal enfoque. La visión de la sociedad
moderna avanzada como sociedad corporativa es, en nuestro caso, sólo una
perspectiva que ilumina aspectos cruciales de la misma, pero no todos.
Para os nosos efectos interésanos pór de relevo que todos os axentes
políticos que cumpran determinadas regras poden ser considerados como
301