O Estado oculto - Repositorio Institucional da USC - Universidade ...

1. O ensino da relixión católica axustarase ao estabelecido no acordo sobre
ensino e asuntos culturais subscrito entre a Santa Sé e o Estado español. Para tal fin, e
de conformidade co que dispoña o devandito acordo, incluirase a relixión católica como
área ou materia nos niveis educativos que corresponda, que será de oferta obrigatoria
para os centros e de carácter voluntario para os alumnos.
2. O ensino doutras relixións axustarase ao disposto nos acordos de
cooperación celebrados polo Estado español coa Federación de Entidades Relixiosas
Evanxélicas de España, a Federación de Comunidades Israelitas de España, a
Comisión Islámica de España e, no seu caso, aos que no futuro poidan subscribirse
con outras confesións relixiosas. 1203
No sistema educativo español garántese o ensino da relixión católica (e
das confesións que teñan acordos de cooperación co Estado) cun réxime moi
protector, caracterizado por (a) a obrigatoriedade da impartición da materia de
relixión nos niveis de educación infantil, primaria e secundaria, (b) a non
obrigatoriedade da asistencia ás clases de educación relixiosa por parte do
alumnado, (c) a autonomía das confesións relixiosas verbo dos libros de texto e
do profesorado e (d) o financiamento público do profesorado 1204 . Non debemos
esquecer tampouco que o artigo I do acordo do 3 de xaneiro de 1979 entre o
Estado español e a Santa Sé sobre ensino e asuntos culturais prescribe que a
educación impartida nos centros docentes públicos deberá respectar os valores
da ética cristiá. 1205 Desde o noso punto de vista, esta disposición traspasa o
límite do admisíbel nun Estado democrático que se pretende aconfesional e
cuxos valores deberían ser laicos, por moito que manteña un arranxo
corporatista coa igrexa católica. 1206 Que debería suceder cando un profesor
defende na aula a teoría da evolución biolóxica, a investigación xenética, o
matrimonio entre persoas do mesmo sexo ou o aborto? Podería ser acusado
de non respectar os valores da ética cristiá?
Nun informe sobre o alumnado que recibiu formación relixiosa e moral
católica no curso académico 2007-2008, a Conferencia Episcopal Española
(2008a e 2008b) calculou que (a) tres de cada catro alumnos españois están
matriculados na materia de relixión católica (o 84,9% na educación infantil, o
84,1% na primaria, o 63% na secundaria obrigatoria e o 48,9% no bacharelato),
nunha evolución globalmente descendente desde o curso 2004-2005; (b) nos
650