O Estado oculto - Repositorio Institucional da USC - Universidade ...

e 1973, os EUA eran a primeira potencia económica e militar, dominaban o
mundo e deseñaban e impuñan a súa xeopolítica global. Neste contexto, e de
acordo con Mesa (1992, 142-143),
España, en 1975, era un país que había comenzado su expansión económica, al tiempo
que un apreciable desarrollo industrial; era, pues, un socio cuyo tránsito hacia fórmulas
democráticas había que cuidar al máximo. [Ademais,] España ocupaba [...] un espacio
estratégico privilegiado en el esquema defensivo de la Alianza Atlántica y, muy en
particular, en su flanco sur [...]. [Finalmente,] en momentos de cambio para las dictaduras
mediterráneas y con el precedente inmediato de la revolución portuguesa de 1974,
Europa Occidental y EE UU no tenían el menor interés en apadrinar o tolerar veleidades
políticas hispánicas que amenazasen la estabilidad del sistema. 826
O propio Mesa (1992, 144-150) sostén que o deseño da política exterior
española durante a transición quedou feito moi cedo, cun “objetivo combinado,
claro y ambicioso. Incorporar España a la vida internacional, sin las limitaciones
que había supuesto el franquismo; establecimiento de unas relaciones
diplomáticas universalizadas y adhesión total al mecanismo político y económico
de la Europa occidental”. Efectivamente, ao longo do primeiro trimestre de 1977,
España universalizou as súas relacións exteriores (coas excepcións de Israel,
Albania e Corea do Norte).
Con máis vagar, Garcés 827 constata que un dos resultados da Guerra
Civil Española foi a reintegración de España no sistema conservador europeo.
A partir da Segunda Guerra Mundial, os mandos militares dos EUA apoiaron
activamente a continuidade do réxime de Franco, que lle achegou á Coalición
da Guerra Fría os recursos derivados da situación xeográfica de España. 828 A
partir de 1944, os EUA incluíron España dentro do seu perímetro defensivo, até
o pundo de que apareceu subordinada aos intereses xeoestratéxicos
norteamericanos e utilizada en todas as opcións e en todos os escenarios da
Guerra Fría, época durante a que os EUA estruturaron a política exterior
española. 829 A península ibérica debía quedar perfectamente encadrada nos
espazos económico e militar dominados pola superpotencia, que, no ano 1945,
ao remate da Segunda Guerra Mundial, vía na España franquista un réxime
que lle garantía seguridade militar, territorio e vantaxes económicas. 830 O
Goberno dos EUA era consciente de que a ditadura non podía durar
510