O Estado oculto - Repositorio Institucional da USC - Universidade ...

espacial e persoal soberana, o Vaticano ten un territorio que non é subsumíbel
no concepto usual de territorio estatal, nin unha poboación equiparábel á dos
demais Estados, 544 nin tampouco un poder organizado dun modo ordinario. 545
Estaríamos polo tanto ante un suxeito con capacidade xurídico-internacional
limitada, é dicir, un actor soberano territorial pero non estatal, instrumental,
subordinado, creado ao servizo e para a salvagarda da independencia da
Santa Sé (e, polo tanto, da igrexa católica no seu conxunto) e recoñecido polos
Estados. Dado que no dereito internacional non hai tipos normativos de
suxeitos, non hai por que subsumir este ente en ningunha categoría usual.
Puente Egido aventura unha conclusión que sorprende polo
recurso a unha figura do dereito interno: “En nuestra opinión, la naturaleza
jurídica de la Ciudad del Vaticano hay que buscarla en la línea de la naturaleza
de las Corporaciones de Derecho público”. 546 É significativo que, como recorda
Reese (2003 6 , 19-20), (a) os embaixadores non sexan acreditados ante o
Vaticano, senón ante a Santa Sé, que (b) o Vaticano se relacione basicamente
con Italia para resolver asuntos tan prosaicos como o prezo da agua ou o da
electricidade (mentres a Santa Sé ten unha ampla axenda internacional), e que
(c) utilice a mesma moeda que Italia. 547
O organigrama da Curia romana
Souto Paz (1995 3 , 257) salienta como característica máis singular da
organización da igrexa católica a súa proximidade ao modelo das
organizacións políticas: “La existencia de un poder público, homologable al que
poseen los Estados modernos, pone una nota características [sic] en esta
organización confesional, que genera unas estructuras jurídicas organizativas
similares a las estatales”. O actual organigrama da Curia (v. infra) elaborámolo
de acordo coa súa norma suprema, a prolixa Constitución apostólica Pastor
bonus sobre a Curia romana (Xoán Paulo II, 1988). Os artigos aos que imos
facer alusión nas seguintes páxinas pertencen a esta norma reguladora da
estrutura orgánica do goberno vaticano, agás que especifiquemos outra cousa.
Tamén o Código de dereito canónico contén unha regulación (moito menos
347