O Estado oculto - Repositorio Institucional da USC - Universidade ...

(punto 2) e onde se define a escola católica como “una plataforma fundamental
de evangelización” (punto 12). 1174 De feito, non se disimula en absoluto que os
centros católicos son un recurso corporativo especialmente importante de
penetración no campo educativo e social (punto 48), até o punto de que o
persoal docente exerce directamente “un ministerio eclesial al servicio de la
comunidad católica local y en comunión con el Ordinario diocesano” (punto 49).
De aí a estreita vinculación que debe haber entre a estrutura corporativa
católica e os centros educativos dedicados a esta finalidade proselitista: “es
necesario que la comunidad educativa coordine estas acciones
[evanxelizadoras] con la parroquia de referencia a fin de canalizar la futura
inserción parroquial de los alumnos y, a su vez, puedan recibir los auxilios
espirituales que el colegio no puede ofrecerles” (punto 40).
Recio Adrados, Uña e Díaz-Salazar Martín (1990, 285) describen así a
loita católica por manter a súa posición de privilexio dentro do sistema
educativo español: “El campo de la enseñanza es percibido, tanto por los
obispos y sus intelectuales como por el frente laico, como uno de los objetivos
principales en torno a los que se libra la defensa del modelo de sociedad
vigente frente a un modelo laico y secularista de sociedad moderna”.
O financiamento público do ensino relixioso: un arranxo corporatista
A redacción do artigo 27.9 da Constitución resultou problemática para a
corporación católica, xa que o financiamento público do ensino privado
depende dun ulterior desenvolvemento lexislativo:
Os poderes públicos axudarán os centros docentes que reúnan os requisitos
que a lei estabeleza.
Cando tivo lugar este desenvolvemento lexislativo, a igrexa católica
defendeu con vehemencia a permanencia dos seus centros de ensino, sobre a
base do dereito recoñecido no artigo 27.3 da lei fundamental:
642