O Estado oculto - Repositorio Institucional da USC - Universidade ...

ecoñecemento que lles deben aqueles que aceptan integrarse na continuidade
dunha caste. Introducen o cambio e crean a temporalidade específica do
campo. 50
O campo da ciencia política
As ciencias naturais gozan dunha autonomía que responde ao interese da
clase dominante por aproveitar as técnicas científicas para a economía. Pola
contra, a ciencia social –situada entre as humanidades e as ciencias naturais–
debe proporcionarlle, a esa mesma clase dominante, unha achega
particularmente valiosa á lexitimación da orde estabelecida e un reforzamento
do arsenal de instrumentos simbólicos de dominación. Pero o certo é que a
ciencia social toma partido na loita política ao desvelar os mecanismos sociais
que aseguran o mantemento da orde estabelecida, o que explica que a loita
interna pola autoridade científica no campo da ciencia social sexa tamén unha
das loitas entre as clases no campo político. O desenvolvemento serodio e
sempre ameazado da ciencia social débese, polo tanto, a uns obstáculos que
non coñecen as ciencias naturais, porque as posicións na loita interna nunca
poden acadar o grao de independencia verbo das posicións na loita externa
que se observa no campo das ciencias da natureza.
A ciencia social atópase dividida en varias disciplinas. Este proceso de
institucionalización de universos relativamente autónomos no seo da
universidade –definidos mediante a posesión dun capital colectivo de métodos
e de conceptos especializados cuxo dominio constitúe o dereito de admisión no
campo– é o produto de loitas de independencia que adoitan impor novas
entidades coas súas fronteiras (protexidas precisamente polo dereito de
admisión e a miúdo obxecto de disputas entre disciplinas veciñas). Ao longo da
súa historia, cada disciplina vai creando unha legalidade de seu. Cando
constrúen unha disciplina, os científicos acadan unha visibilidade social e
defenden os seus intereses mediante liñas orzamentarias, postos de traballo,
créditos, asociacións, reunións, publicacións, etc. A ciencia social ten un nivel
de autonomía baixo verbo das diferentes formas de presión exterior
50