O Estado oculto - Repositorio Institucional da USC - Universidade ...

comprensíbel na ciencia social, que tantos esforzos lles dedica precisamente á
deconstrución dos mitos, á crítica das ideoloxías e á desacralización do poder.
Nesta primeira parte do noso traballo intentaremos ofrecer algúns elementos de
reflexión que nos axuden a entender por que o ámbito politolóxico, cando
estabelece os requisitos de acceso a el –incluída a aceptación dunha serie de
presupostos que apenas son susceptíbeis de seren cuestionados–, funciona
como unha comunidade de crentes cun sistema de control dirixido por un grupo
dominante. Levaremos a cabo a nosa análise de acordo co esquema proposto
no seguinte cadro:
poder político
socioloxía do coñecemento
socioloxía da ciencia
teoría literaria dos polisistemas
campo politolóxico
cambio científico
sistema de crenzas
canon
43
ciencia
filosofía da ciencia: teorías inmanentistas
paradigma, programa, tradición ou enfoque de investigación
Fronte a unha ciencia entendida por moitos dos seus teóricos
simplemente como un fenómeno plural ou multiparadigmático, preguntámonos
se podemos reivindicar para a politoloxía un achegamento interdisciplinario ao
estudo do cambio científico que xire ao redor do concepto de canon
politolóxico. Se a filosofía da ciencia subliña a importancia da dimensión
estritamente “científica”, a teoría do canon permite tomar conciencia, a maiores,
de que non se poden ignorar nin as circunstancias nas que se redactan as
obras constitutivas do elenco máis prestixioso da nosa disciplina nin tampouco
a súa intencionalidade política. Pero vaiamos por partes.