O Estado oculto - Repositorio Institucional da USC - Universidade ...

definitiva, as diferentes posturas ontolóxicas e epistemolóxicas inspiran
diferentes orientacións e preferencias metodolóxicas.
Segundo Estany Profitós (1990, 63), os modelos de cambio científico,
que se sitúan nun nivel metateórico, pretenden explicar racionalmente as
variacións que sofren as teorías científicas ao longo do tempo. Nas seguintes
páxinas imos ver como Kuhn se preocupa basicamente pola caracterización do
cambio científico como un proceso discontinuo (e, polo tanto, non acumulativo),
mentres Lakatos e Laudan 93 procuran teorizar o carácter progresivo dos
programas ou das tradicións de investigación. Lakatos propón que son
progresivos aqueles programas de investigación que teñen éxito á hora de
predicir feitos novos, mentres Laudan asocia o carácter progresivo dunha
tradición de investigación cunha maior efectividade na resolución de
problemas.
Kuhn 94 : os paradigmas
O primeiro dos filósofos da ciencia ao que imos achegarnos é Kuhn, o creador
do concepto de paradigma científico. Para Kuhn, o paradigma é un produto
social, é dicir, o resultado do consenso entre os científicos. 95 En concreto, os
paradigmas son definidos como realizacións científicas universalmente
recoñecidas que, durante un tempo determinado, lle achegan a unha
comunidade científica modelos de problemas e solucións, é dicir, modelos dos
que xorden tradicións particularmente coherentes de investigación científica. 96
Pero as crenzas científicas non son o produto exclusivo da observación e da
experiencia, porque entre os ingredientes de formación das crenzas dunha
comunidade científica sempre se atopa un elemento aparentemente arbitrario,
composto de incidentes persoais e históricos. En definitiva, un paradigma é
aquilo que comparten os membros dunha comunidade científica, e,
reciprocamente, unha comunidade científica son as persoas que comparten un
paradigma. 97
O que Kuhn chama a ciencia normal –é dicir, a investigación baseada
firmemente sobre unha ou máis realizacións científicas pasadas recoñecidas
74