O Estado oculto - Repositorio Institucional da USC - Universidade ...

investigación só sería máis axeitada que outra se as teorías que a caracterizan
nun momento dado fosen máis axeitadas que as teorías que compoñen
calquera tradición de investigación rival. 112
Laudan (1977, 133-134) insiste na súa crítica a Kuhn e a Lakatos, para
os que, segundo el, as entidades como as tradicións de investigación teñen un
conxunto ríxido e inmutábel de doutrinas que as identifican e definen, até o
punto de que calquera cambio nesas doutrinas produce unha tradición de
investigación diferente. Porén, as tradicións de investigación serían fenómenos
históricos –creados e articulados nun medio intelectual concreto– que
colaborarían na produción de teorías específicas para, como todas as
instancias históricas, prosperar e morrer (momento este no que deixarían de
ser considerados instrumentos importantes para fomentar o progreso da
ciencia).
Da teoría literaria á ciencia política: o canon
Voltando a Bourdieu: as teorías sistémicas e o canon politolóxico
Ball (1987a, 13) observa que o século XX –coas súas guerras mundiais, a
shoah, a ameaza nuclear– proxecta serias dúbidas sobre a idea de que a sorte
dos humanos mellora co paso do tempo. Ás ciencias naturais, con todo,
ségueselles a atribuír un carácter progresivo, de maneira que a sucesión de
teorías sería unha representación da aproximación á verdade. Porén, que
sucede coa ciencia social, e concretamente coa ciencia política? Ball (1987b,
101-103) entende que o obxecto da ciencia política son as accións humanas,
cuxos significados deben ser interpretados á luz dunha teoría interpretativa:
The task of the social scientist is to interpret the meaning of the “behavior” in question in
the light of this or that hermeneutical theory or framework. Such a theory tells us what
sorts of things are significant, noteworthy, and/or problematic; what to look for; which
concepts and categories [...] are central; and how, in short, these hermeneutically
consituated human actions and activities are themselves to be understood.
79