O Estado oculto - Repositorio Institucional da USC - Universidade ...

concilio –malia o carácter extremadamente moderado das reformas ad intra
que emprende– asume o legado liberal-democrático, a igrexa española
comeza unha andaina que a leva a despegarse dun réxime franquista cuxas
expectativas de supervivencia van a menos.
• A igrexa católica española comprende que o mantemento dos seus privilexios
no posfranquismo pasa pola renuncia á catolicidade formal do Estado, así
como polo apadriñamento e o control dun proceso de readaptación
institucional que convirta España nunha democracia homologábel pero só
aparentemente aconfesional e, en realidade, criptoconfesional.
• De feito, a igrexa católica é un dos tres grandes protagonistas (xunto co rei e
as elites partidarias) do proceso constituínte posto en marcha na transición
política, que obedece á folla de ruta que trazan a Lei para a reforma política e
mais o acordo entre o Estado español e a Santa Sé de 1976, e que se
caracteriza, en xeral, pola falta de liberdades, a ausencia dun goberno
provisional neutral e a inexistencia dunhas Cortes elixidas exclusivamente
para redactar a Constitución.
• Mentres traballa o relatorio constitucional composto por unha ampla maioría
de católicos comprometidos, a esquerda desenténdese da cuestión relixiosa
e a Santa Sé negocia uns acordos internacionais co Estado que se asinan só
unha semana despois da promulgación da Constitución e afianzan a posición
central da igrexa católica no novo campo político español.
• Os actuais privilexios da igrexa católica española maniféstanse
basicamente nun plano regulamentario-administrativo (vantaxes fiscais e
financeiras moi difíciles de cuantificar, interferencia ideolóxica no campo
educativo, presenza nos medios de comunicación públicos, nos hospitais,
nos centros de asistencia social, nas forzas armadas e nos cárceres, etc.) e
nun plano simbólico (violacións da aconfesionalidade do Estado
protagonizadas polas autoridades públicas, calendario laboral condicionado
polas festividades católicas, etc.).
474