O Estado oculto - Repositorio Institucional da USC - Universidade ...

éximes –típicos de sociedades semiperiféricas ou semidesenvolvidas– que se
consolidan logo da interrupción pola forza de procesos políticos democráticos
que ameazan con alterar profundamente a orde social. O perigo para o statu
quo social dedúcese da posibilidade de que sexan eliminados os grupos
tradicionalmente dominantes. Os réximes reaccionario-despóticos, que a miúdo
se plasman en ditaduras da burguesía a través do exército, recorren á
mobilización da poboación con prudencia, até que os seus líderes comprenden
que se trata dun recurso que pode comprometer a súa continuidade. España
(despois de 1939) e Chile (despois de 1974) son representativos deste modo
de dominación.
No noso caso é precisamente o despotismo reaccionario o que máis nos
interesa. Pero, de novo de acordo con Navarro, queremos deixar constancia de
que, como xa apuntamos no capítulo 4, o réxime despótico español mantivo un
nivel permanente de mobilización das clases medias e medias altas, e que só
teimou na desmobilización das clases populares. 614
Polo demais, Giner (1994, 45) entende que as ditaduras fascistas ou
fascistizantes constitúen unha forma específica de despotismo de clase:
Debía hallarse una nueva solución que, por una parte, permitiera la legitimación
continuada del sistema heredero de desigualdad, fomentara el difundido objetivo del
engrandecimiento nacional y promoviera la industrialización capitalista, mientras, por
otro lado, destruyera con éxito los movimientos revolucionarios de izquierda que habían
comenzado a amenazar seriamente el orden existente. Tal solución fue hallada e
impuesta a través de varias formas de violencia, en puntos un tanto diferenciados de la
escala temporal. Su triunfo significaba el fin del antiguo orden liberal burgués, así como
una redefinición de las funciones políticas y económicas del Estado. Significaba
también la extinción de la senda revolucionaria hacia la modernización en la Europa del
Sur.
Giner (1994, 47-49) insiste na idea do fascismo e do semifascismo como
un modo de dominación de clase xerado por unha coalición política
reaccionaria formada por terratenentes, industriais e financeiros. Este tipo de
ditaduras, en efecto, apareceron nos momentos nos que comezaban a fracasar
as fórmulas políticas tradicionais de dominación parlamentaria burguesa:
378