O Estado oculto - Repositorio Institucional da USC - Universidade ...

A achega de Giner
Un autor ao que acudiremos con frecuencia é Giner, posibelmente o científico
social 89 que máis esforzos lle dedicou entre nós ao estudo do corporatismo, un
fenómeno que vai ocupar un lugar central na terceria parte deste traballo. Giner
(2002) afirma que só podemos chamarnos científicos “por nuestros afanes de
racionalidad, discusión crítica, y respeto a los datos. Todo lo demás es
pretencioso”. Na ciencia social a cientificidade convive cun número
considerábel de escolas e teorías que discrepan sobre os supostos esenciais
da disciplina (algo que non sucede nas ciencias naturais). Esta particularidade
débese a que a ciencia social está enraizada nas dúas esferas do
coñecemento humano: a racional e a afectiva. De feito, a ciencia social reúne
as únicas disciplinas –alén da filosofía– nas que o espectador é parte das
colectividades que estuda. Giner (1974, 22-23) observa, neste sentido, que
la sociología [e, engadiríamos nós, a ciencia social en xeral] es la arena donde se
encuentran ciencia y pasión, razón y sensibilidad. Es una disciplina surgida en la zona
de intersección de las dos esferas de la mente humana, y su historia puede entenderse
precisamente como una tensión ininterrumpida entre estas dos vertientes de la
conciencia: por un lado el esfuerzo hacia el consenso racional y adogmático, surgido
del afán común por investigar la realidad según la lógica de la pesquisa científica y, por
otro, la necesidad de expresar en términos racionales sociológicos los anhelos,
experiencias, desilusiones y frustraciones de la condición humana en una época
secular. Sería vano que, a estas alturas, pretendiéramos escamotear este elemento
emotivo en nuestro celo por preservar el aspecto puramente científico de la sociología.
O pluralismo, polo tanto, é un elemento propio das ciencias sociais que
nace do peso que nelas teñen as emocións e as biografías dos autores. Weber
fala, neste sentido, da Wertfreiheit, que é a actitude inquisitiva inicial que
determina a elección do campo de pescuda e das súas coordenadas, é dicir, o
problema a resolver ou a pregunta a responder nunha investigación. O
científico social debe ser consciente da arbitrariedade e da subxectividade
inherentes a esta orientación de valor, que debe asumir como un trazo
indefectibelmente unido a toda actividade científico-social. Porén, e a partir
deste momento inicial, o investigador debe levar a cabo unha investigación
70