O Estado oculto - Repositorio Institucional da USC - Universidade ...

oligarquía financeira, o Opus Dei e a Falange), de maneira que, cando, ao final
dos anos sesenta do século XX, a actividade política medrou
significativamente, o sistema tivo que optar entre canalizar esa actividade a
través da Falange e desfacer así os equilibrios dentro do réxime ou non permitir
a súa absorción e pór en perigo o propio sistema; e, en segundo lugar, a
incapacidade para adaptarse ás esixencias cambiantes do contorno, que leva
os reformistas a unírense aos novos líderes e ás forzas non identificadas co
sistema, que son os que poden introducir cambios. 267
Sobre a base da exposición crítica de Saz Campos (2004, 13-14) 268 ,
poderíamos representar o modelo segundo intento, para o caso español, da
seguinte maneira:
A II República, moi
conflitiva, con graves
erros por parte da
esquerda, con
procesos violentos,
etc., conduciu á
Guerra Civil
A Guerra Civil
resolveuse coa
imposición do
franquismo
180
As grandes
transformacións
económicas e sociais
do franquismo
fixeron posíbel a
democracia
A democracia
Esta representación gráfica ascendente permítenos salientar, a maiores,
unha característica subliminal do elemento que estamos a estudar: a
presuposición de que o progreso que tivo lugar non foi só temporal, senón
tamén cualitativo. Porque, se a democracia –o resultado do modelo– está
situada nun plano politicamente superior respecto da República –o punto de
partida–, tamén o franquismo ocupa un lugar máis elevado que a República. De
feito –e isto sería tamén parcialmente aplicábel ao franquismo–, mesmo a